Day: 2. apríl, 2013

Er mjög spennandi

„Ég hef verið atvinnumaður í 26 ár en nú tekur við nýr kafli á mínum ferli sem ég er mjög spenntur fyrir. Ég vildi spila með ÍBV á móti Víkingi Ólafsvík í fyrrakvöld en Hermann vildi það ekki þar sem ég var ekki búinn að skrifa undir samning. Það er komnar um átta vikur síðan […]

David James skrifar undir í dag

David James, markvörður tilkynnti það í dag á Twitter, að hann muni skrifa undir hjá ÍBV í dag, þriðjudag. James var hér á landi um páskana, æfði m.a. með Eyjaliðinu í Vestmannaeyjum um helgina og var á bekknum þegar liðið lagði Víking Ólafsvík í Lengjubikarnum í gær. (meira…)

Hittu gamlan félaga

Þeir Heimir Hallgrímsson, aðstoðarþjálfari A-landsliðsins og Jóhannes Ólafsson, stjórnarmaður KSÍ hittu á fyrrum leikmann ÍBV á ferð sinni með íslenska landsliðinu í Slóveníu á dögunum. Andrej Jerina er einn eftirminnilegasti leikmaður sem hefur spilað með ÍBV og líklega einn af betri erlendu leikmönnum sem hingað hafa komið. (meira…)

Patrick og Guðbjörn Vestmannaeyjameistarar í FIFA 2013

Þeir Patrick Ritmüller og Guðbjörn Guðjónsson, sem skipuðu liðið Khedira eru Vestmannaeyjameistarar í FIFA 2013 en mótið fór fram föstudaginn 29. mars síðastliðinn. Mótið fór þannig fram að tveir skipuðu hvert lið en fyrst fór fram riðlakeppni og svo útsláttarfyrirkomulag eftir það. Alls voru keppendur rúmlega 30 talsins, sem er metþáttaka en þetta var í […]

Víða erfiðar hafnaraðstæður

Nú gengur um manna á milli á Facebook myndband þar sem afar sérstöku hafnarlægi er gerð góð skil. Myndbandið sýnir ferjuna Adamantios Korais nálgast höfnina í Kimolos í Grikklandi en ferjunni er bakkað að hafnarkantinum við afar erfiðar aðstæður. Farþegar hlaupa svo í land og enda margir vel blautir eftir ágang sjávar yfir bryggjuna. Sjón […]

Safna myndum áhugaljósmyndara úr Heimaeyjargosinu

Kiwanisklúbburinn Eldfell, sem að mestu er skipaður Eyjamönn­um á höfuðborgarsvæðinu, hefur hleypt af stokkunum söfnun á ljósmyndum frá því í Heimaeyjargosinu 1973. Einnig hafa þeir áhuga á myndum frá Surts­eyjargosinu. Myndir sem ekki eru á stafrænu formi verða skann­aðar fyrir fólk og fær það myndir sínar til baka, bæði frummynd­irnar og myndirnar á stafrænu formi. […]

Engin sanddæla og hönnun Herjólfs ekki lokið

Í gær var greint frá því að frumhönnun á nýjum Herjólfi væri lokið og að sanddæla yrði áföst skipinu þannig að Herjólfur myndi sjá um að dæla upp sandi í Landeyjahöfn. Það er auðvitað ekkert til í þessu enda 1. apríl í gær og fréttin sett inn af því tilefni. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.