Hjálparstarf Kirkjunnar þarf að útskýra málið betur

Eyjafréttir
·
Elítan
·
1. október 2014

Fréttir af slitum á samstarfi Hjálparstarfs Kirkjunnar og Kertaverksmiðjunar Heimaey komu undirrituðum á óvart. Athygli vekur hvernig samstarfinu er slitið, sérstaklega í ljósi þess að annars vegar er um að ræða verndaðan vinnustað í Vestmannaeyjum og hins vegar góðgerðarstofnun og báðir aðilar halda því fram að samstarfið hafi gengið vel, í þrjá áratugi.

Góðgerðarstofnunin slítur samstarfinu með tilkynningu um að samningur verði ekki endurnýjaður án þess að verndaði vinnustaðurinn fái tækifæri á því að leggja fram tilboð í þetta mikilvæga verkefni í hans starfi. Stuttu síðar kemur í ljós að góðgerðastofnunin hefur hafið innflutning á sömu vöru frá Póllandi í gegnum þriðja aðila. Hvað veldur því?

Góðgerðarstofnunin ber við vandamálum vegna framleiðslu á blikkdósum á Íslandi, háum framleiðslukostnaði og aukinni samkeppni í sölu á kertum.

Undirritaður aflaði sér upplýsinga um viðskiptin. Gerður var samningur til þriggja ára í senn, um framleiðslu á 30.000 kertum á ári. Samkvæmt samningi greiddi góðgerðarstofnunin verndaða vinnustaðnum 98 kr. fyrir hvert kerti. Innifalið í því verði er hráefni, vinna og flutningur á umbúðum frá Reykjavík til Vestmannaeyja og flutningur frá Vestmannaeyjum á fullunni vöru til Reykjavíkur. Samkvæmt mínum upplýsingum er endanlegt söluverð 500 kr.

Það er ómögulegt fyrir mig að koma auga á það að kostnaður vegna framlags verndaða vinnustaðarins geti talist hár framleiðslukostnaður, eða um 20% af endanlegu verði. Vissulega vantar dósina inn í framleiðsluverðið, en það er erfitt að ímynda sér að umbúðirnar skekki myndina verulega.

Eftir sitja eftirfarandi spurningar. Af hverju fékk Kertaverksmiðjan Heimaey ekki að gera tilboð í fullbúna vöru, eftir þriggja áratuga farsæl viðskipti? Hvað telja Íslensk góðgerðasamtök að verðmunurinn megi vera mikill milli vöru sem framleidd er erlendis og flutt til landsins og sömu vöru framleiddri af fötluðum Íslendingum? Margir þrá skýr svör!

Hjálparstarf Kirkjunnar sinnir virðingarverðu og mikilvægu starfi, en er ekki hafið yfir gagnrýni. Trúverðugleiki og traust er grundvöllur starfsins.

Að færa verkefni og atvinnu til fatlaðra er gríðarlega mikilvægt hjálparstarf. Fyrir þriggja áratuga samstarf ber að þakka, vonandi verður framhald á.

Páll Scheving Ingvarsson

Tengdar fréttir:

Framleiðslukostnaður of hár

Hjálparstarf kirkjunnar hættir áratuga samstarfi við verndaðan vinnustað

Nýjustu fréttir

Myndband

Slá ekki slöku við

Stjórnmál

Íris bæjarstjóraefni Sjálfstæðisflokksins

Menning

Útgáfutónleikar Vina og vandamanna: Eyjalögin lifa áfram

Áhugavert

Sjolag.is í stað veður- og ölduspár á netinu

Menning

ÞESAL – Partýljón, teiknimyndir, djamm og djús

Menning

Lúðrasveitir sameinast með stórstjörnum í Hörpu

Íþróttir

Kvennalið ÍBV semur við markmann frá Kanada-Guyana

Íþróttir

Tap hjá Arnari og íslenska landsliðinu gegn Færeyjum

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki