Viðbygging við Sóla, framkvæmdir og staðan í dag

Eyjafréttir
·
Fréttir
·
20. júní 2023

Opnuð var ný deild á leikskólanum Sóla í mars síðastliðnum. Á fundi fræðsluráðs í mars 2022 voru skoðaðar leiðir til að mæta þeim áskorunum sem bærinn stóð fyrir varðandi aukna þörf á leikskólaplássi. Ákveðið var í framhaldinu að byggja við Sóla og framkvæmdir við skólann hófust í október 2022. Framkvæmdum er að mestu lokið, þó enn vanti upp á að klára frágang og hluta af ungbarnalóðinni en nýr kjarni opnaði í mars 2023.

Upphaflega var lagt til 40-60 milljónir í framkvæmdaráætlun í viðbyggingu á leikskólanum Sóla. Þar sem framkvæmdum er ekki lokið er ekki hægt að gefa upp heildarkostnað sem stendur. Ákvörðun um viðbygginguna á Sóla hafði ekki áhrif á nýjan samning við Hjallastefnuna um leikskólaþjónustu, en kostnaður eðlilega eykst þar sem verið er að kaupa meira leikskólarými af Hjallastefnunni, segir Brynjar Ólafsson framkvæmdarstjóri umhverfis- og framkvæmdarsviðs.

Öll börn fædd árið 2021 eru komin með pláss og börn fædd í janúar til ágúst 2022 hafa fengið pláss eða boð um pláss eftir sumarfrí. Nýji kjarninn getur tekið við 16-18 börnum. Leikskólinn Sóli starfar eftir Hjallastefnunni þar sem kjarnar eru kynjaskiptir. Nýji kjarninn er stúlknakjarni og fyrrum ungbarnakjarninn er nú drengjakjarni. Til að bregðast við aukinni þörf á leikskólaplássi var ákvörðun tekin að hluti af árgangi 2018 byrjuðu fyrr en ella á Víkinni. Fyrsti hópurinn fór frá okkur 15.maí og sá næsti fór í byrjun júní. Það er mikil áskorun fyrir leikskólana að taka við svona ungum börnum. Það er margt sem þarf að læra inn á og aðlaga að þeirra þörfum. „Skólar eru að yngjast, það er bara takturinn í samfélaginu. Mikilvægt er að fá fagfólk strax fyrir yngstu börnin”, segir Helga Björk leikskólastýra á Sóla.

Við nýja kjarnann er pallur sem hugsaður er fyrir kerrur þeirra barna sem sofa úti, en nýtist einnig sem auka kennslurými. „Það vær dásamlegt ef allir kjarnar væru með útskot og lóðin bíður uppá það, þetta er bara spurning um pening og ákvörðun. Skólarnir þyrftu í raun að hafa auka rými til að geta tekist á við þessar aðstæður frekar en að þrengja að okkur”, segir Helga Björk.

Bæjarráð Vestmannaeyja samþykkti í ágúst 2022 að greiða sérstakar heimgreiðslur til forráðamanna barna á aldrinum 12-16 mánaða frá 1. september 2022, hvort sem forráðamaður þiggi leikskólapláss á því tímabili eða ekki. Heimgreiðslur eru einnig í boði fyrir þá forráðamenn sem ekki fá leikskólapláss eftir 16 mánaða aldur.

Greinina í heild sinni má lesa í 12. tbl Eyjafrétta.

Nýjustu fréttir

Goslok

Goslok: dagskrá laugardags

Úr blaði Eyjafrétta

Hvað vita börnin um eldgosið á Heimaey: Kristian Örn

Myndband

Blíðskaparveður og líf um allan bæ á Goslokahátíð

Fréttir

Vinnslustöðin, Huginn og VÍS sýknuð í vatnslagnarmálinu – uppfært

Áhugavert

Fjölbreytt dagskrá fyrir alla fjölskylduna

Stjórnmál

Eyjalistinn gagnrýnir að hafa ekki verið boðaður til fundar með forsætisráðherra

Fréttatilkynning

Vinnupása skilaði vinning

Þjóðhátíð

Patr!k með óopinbert Þjóðhátíðarlag

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki