Roland Eradze hefur verið ráðinn aðstoðarþjálfari meistaraflokks karla ÍBV í handbolta. Ásamt því að aðstoða Magnús mun Roland einnig sjá um markmannsþjálfun og yngri flokka þjálfun hjá félaginu.
Roland er gríðarlega reynslumikill, fyrrum landsliðsmarkmaður Íslands en hann spilaði handbolta á sínum tíma með Val, Stjörnunni og einnig ÍBV!
Þá Roland verið þjálfari hjá Stjörnunni, FH og Fram en síðustu 3 ár hefur hann verið aðstoðarþjálfari Úkraínska meistaraliðsins HC Motor sem spilaði meðal annars í Evrópudeildinni síðasta haust og Meistaradeild Evrópu árin þar á undan.
“Það er mikil gleðiefni að Roland hafi ákveðið að taka slaginn með ÍBV og hlökkum við mikið til samstarfsins,” segir í tilkynningu frá félaginu.
