Samkvæmt þeim upplýsingum sem fengust hjá aðilum sem flytja fólk til Eyja þá eru um 6.500 manns staddir í Vestmanna­eyjum á Þjóðhátíð eða á leið til Eyja.
Hjá Herjólfi fengust þær upp­lýsingar að fullt væri í sex fyrstu ferðir Herjólfs eftir Þjóðhátíð, það eru tvær á mánudag, ein aðfara­nótt þriðjudags, tvær ferðir á þriðjudag og næturferð aðfara­nótt miðvikudags. Þá væri mikið búið að panta í fyrstu ferð mið­viku­dags en minna eftir því sem líður á vikuna. Alls fara því um 3500 manns með Herjólfi í fyrstu ferðum eftir Þjóðhátíð og má gera ráð fyrir að langstærsti hluti ferþega hafi verið Þjóðhátíðar­gestir.