Líkt og síðustu ár þá munu ekki einungis Vestmannaeyingar eða Íslendingar vera í hópi þátttakenda í Vestmannaeyjahlaupinu. Meðal hlaupara verður Malcom Holmes, 49 ára Englendingur frá bænum Milton Keynes, en hann mun taka þátt annað árið í röð. Ásamt honum mun frændi hans Dan Cotter og japönsk vinkona hans, Chizu Hamasaki, hlaupa með honum 10 km. Með í för verður einnig hinn 16 ára Ellis, sonur Malcom, en hann mun ekki taka þátt í hlaupinu vegna leti að sögn föðurins. Koma fjórmenningarnir til Eyja 31. ágúst og munu dvelja á Hótel Vestmannaeyjar á meðan dvöl þeirra stendur.

�??Við erum s.s. fjögur sem komum en einungis þrjú okkar ætla að hlaupa, þ.e. ég, Dan og Chizu,�?? sagði Malcom í samtali við Eyjafréttir í síðustu viku. Aðspurður hvers konar hlauparar þau væru sagði Malcom þau einungis vera áhugamenn. �??Við þrjú erum öll áhugamenn og ekkert alltof kappsöm og eigum það sameiginlegt að finnast gaman að blanda saman hlaupum og ævintýramennsku. Í gegnum tíðina höfum við tekið þátt í hlaupum víðsvegar um heim, t.d. í Japan, Kóreu, Svalbarða, Kanada og að sjálfsögðu Bretlandi. Að finna áhugavert hlaup og ferðast á framandi stað hefur alltaf reynst góð blanda. Á næsta ári stefnum við á Grænland en það er enn í undirbúningi.�??

En af hverju Vestmannaeyjahlaupið? �??�?g skráði mig í Vestmannaeyjahlaupið síðasta sumar undir lok tíu daga ferðalags um Íslands með syni mínum Ellis. �?etta var í fyrsta skiptið sem ég tók þátt í hlaupinu þrátt fyrir að hafa heimsótt Heimaey oft og mörgum sinnum síðustu tíu árin á ferðalögum mínum um Íslands,�?? sagði Malcom en í eitt skiptið rakst Malcom á Magnús Bragason fyrir utan Hótel Vestmannaeyjar sem sagði honum frá hlaupinu. �??�?g var nýkominn til baka eftir stutt skokk í kringum Eldfell þegar ég rekst á Magnús fyrir utan hótelið, ég held þetta hafi verið árið 2013. Hann sagði mér frá árlegu hlaupi sem haldið var á Heimaey og ég lofaði honum að einn daginn myndi ég taka þátt. �?g stóð síðan við gefið loforði þremur árum síðar.�??

Eins og fram hefur komið hefur Malcom heimsótt Ísland ótal sinnum síðustu ár en hann og Ellis tóku strax ástfóstri við landið eftir stutt stopp árið 2009. �??Flest skiptanna höfum við verið í viku til tíu daga að ferðast um landið. Árið 2014 kom síðan Chizu með okkur í heimsókn til Heimaeyjar og hún varð strax ástfangin af staðnum og staðráðin í að koma aftur. Að koma hingað til Eyja í lok ferðalags um Íslands er næstum eins og að koma heim, fólkið er svo indælt, maturinn frábær og útsýnið í kring stórkostlegt. �?g held ég geti fullyrt að öll okkar myndum vilja dvelja lengur ef tækifæri gæfist, jafnvel vinna á Eyjunni í ár, það væri fullkomið.�??

Malcom og félagar lenda á Íslandi 25. ágúst og þá tekur við tíu daga ferðalag um landið sem endar á hlaupinu í Eyjum. �??Við munum byrja á því að ferðast norður á Krossnes á Vestfjörðum, þaðan munum við taka stefnuna yfir hálendið og dvelja í nokkra daga við Landmannalaugar þar sem við ætlum að klifra og taka nokkur æfingahlaup. Að Vestmannaeyjahlaupinu loknu munum við síðan slaka á í lauginni áður en við höldum til baka með ferjunni um kvöldið og fara af landi brott daginn eftir.