Olís-deild karla í handbolta fór af stað í dag. Fjórfaldir meistarar ÍBV fengu Gróttu í heimsókn í fyrsta leik. Með Eyjamanninn Björgvin Þór Björgvinsson í þjálfarateyminu.

Það er óhætt að segja að engin meistarabragur hafi verið yfir liði ÍBV í dag. Grótta var mikið betri aðilinn á vellinum í fyrri hálfleik og leiddu með sjö mörkum, 11-18.

Eyjamenn komu heldur sterkari inn í seinni hálfleikinn og náðu að vinna muninn hægt og bítandi niður. Gróttumenn voru þó sjálfum sér verstir, brutu klaufalega af sér og voru manni færri stóran hluta af seinni hálfleik.

Eyjamenn komu utar á völlinn í maður á mann vörn þegar 5 mínútur voru eftir og fjögurra marka munur, Gróttu í vil. Gekk sú taktík vel og þegar tuttugu sekúndur voru eftir af leiknum tóku Gróttumenn leikhlé, staðan jöfn 30-30. Ekki tókst þeim að skora úr síðustu sókninni og urðu það því lokatölur.

Mörk ÍBV skoruðu: 
Theodór Sigurbjörnsson – 9 / 2
Sigurbergur Sveinsson – 6 / 2
Kári Kristján Kristjánsson – 5 / 2
Grétar Þór Eyþórsson – 3
Hákon Daði Styrmisson – 2
Elliði Snær Viðarsson – 2
Kristján Örn Kristjánsson – 1
Daníel Örn Griffin – 1
Fannar Þór Friðgeirsson – 1

Björn Viðar Björnsson varði sjö skot og Páll Eiríksson fjögur.

DSC 0472

DSC 0475

DSC 0477

DSC 0478

DSC 0483

DSC 0484

DSC 0488

DSC 0506

DSC 0512

DSC 0519

DSC 0525

DSC 0533

DSC 0554

DSC 0578

DSC 0583

DSC 0591

DSC 0597

DSC 0606

DSC 0611

DSC 0618

DSC 0621

DSC 0625

DSC 0632

DSC 0640