Meðferðarúrræði einstaklinga sem kljást við heilabilunarsjúkdóm
Sara Rún Markúsdóttir

Meðferðaúrræði eru jafn fjölbreytt og þau eru mörg. Margt er hægt að gera og stuðla verður að því að einstaklingur með heilabilun skynji væntumþykju og virðingu í sinn garð og að sjálfsvirðingu og sjálfsmynd sé haldið við. Allir einstaklingar hafa færni til að þroskast og vaxa.

Minningarvinna
Fer fram í hópum og er stunduð í fjölbreyttum tilgangi en er á tíðum skilgreind sem fræðandi dægradvöl og virkni. Markmið með minningarvinnu er að allir í hópnum geti átt saman ánægjulega stund, myndað tengsl og kynnst hvort öðru. Þessi meðferð er notuð víða og á ýmsan hátt, meðal annars á hjúkrunarheimilum.

Hreyfiþjálfun
Er mikilvægt úrræði fyrir aldraða einstaklinga og með reglulegri hreyfingu er hægt að hægja á þeim öldrunarbreytingum sem verða í líkamanum með hækkandi aldri. Hreyfing hefur góð áhrif á líkamlega og andlega heilsu.

Músíkþerapía
Getur verið mikilvægur þáttur í lífi einstaklinga með heilabilun og er hún góð til að byggja upp lífsgæði og hjálpa einstaklingum að vinna gegn einmannaleika, aðgerðaleysi og gefa einstaklingnum möguleika á tjáningu án orða. Tónlist er hvetjandi og getur örvað minni

Dýr
Meðferð með aðstoð dýra er úrræði sem hefur vakið aukna athygli síðustu ár. Dýr skapa heimilislegar aðstæður á stofnunum eða hjúkrunarheimilum. Umgengni við dýr hafa afslappandi áhrif og getur gagnast einstaklingum við atferlis og sálræna kvilla sjúkdómsins ásamt því að draga úr kvíða og einmannaleika.

Listmeðferð
Er meðferðaúrræði sem byggir á sálfræðilegum kenningum og er myndræn tjáning notuð markvisst til að vinna úr reynslu og upplifun einstaklingsins. Á myndmáli geta allir tjáð sig með sínum eigin rökum og á eigin hraða. Listmeðferð eykur sjálfstraust, skapar aðstæður til sjálfstæðrar tjáningar og einnig getur hún rofið félagslega og andlega einangrun.

Ilmolíumeðferð
Er meðferðaúrræði sem á sérstaklega vel við aldraða einstaklinga og er hún róandi. Ilmolíumeðferð getur haft áhrif á blóðstreymið, slakað á vöðvum og sérstaklega aukið hreyfigetu aldraða einstaklinga. Ilmolíur geta auk þess dregið úr líkamlegum kvillum og vakið jákvæðar minningar og komið einstaklingum í gott skap.

Nýjustu fréttir

Áhugavert
Gong slökun, endurstilling í hraða nútímans
Fréttir
Bæjarráð gagnrýnir samgönguáætlun
Íþróttir
Elliði með fimm mörk í stórsigri Íslands
Herjólfur
Herjólfur í Þorlákshöfn í dag og á morgun
Fréttir
Orkumálin til skoðunar hjá ráðherra
Skólamál
Dagvistunarmál til umræðu á fundi fræðsluráðs
Aðsend grein
Veit Inga hvað hún syngur?
Aðsent
Norðurinngangur við sjúkrahúsið opinn á ný
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.