Seinkun er á ferð sem áætluð var kl. 12:00 frá Vestmannaeyjum vegna smávægilegrar vélabilunar um borð í ferjunni. Við gerum ráð fyrir að viðgerðir standi yfir í 20 til 30 mínutur.

Þetta kemur fram í tilkynningu frá Herjólfi. „Við stefnum á að vinna upp seinkuna þó sem allra fyrst. Fyrir frekari upplýsingar, þá hvetjum við farþega sem ætla sér að ferðast með okkur núna fyrri part dags að hafa samband við okkur í síma 4812800 og fá upplýsingar frá fulltrúum okkar,“ segir í tilkynningunni.

„Smávægileg vélarbilun í Herjólfi. Snarræði skipstjórnarmanna um borð og góðum viðbrögðum áhafnar Lóðsins að þakka að Herjólfur komst fljótt að bryggju,“ segir Magnús Bragason á FB-síðu sinni með myndbandi sem tekið var um borð.