Nú er undirbúningur fyrir næstu ferð í fullum gangi. 1.nóvember næstkomandi fljúgum við frá Íslandi, millilendum í Gatwick og tökum svo 6 tíma flug niður til Gambíu. Í þessa ferð fara með okkur Þórunn Pálsdóttir ljósmóðir, Nanna Klausen hjúkrunarfræðingur, Arngrímur Vilhjálmsson (Addi) heilsugæslulæknir og Konstantinas Zapivalovas (Kosti) múrari.

Daði og Kostas ætla að steypa innkeyrslu og bílaplan fyrir sjúkrabílinn og að sjálfsögðu kenna strákunum úti réttu vinnubrögðin svo þeir geti svo nýtt sér þekkinguna áfram.

Þar sem þetta er í fyrsta skipti sem við förum út með lækni og hjúkrunarfræðing eigum við eftir að sjá betur þegar við erum komin á staðin hvernig hlutverk þeirra verður. Þau munu að sjálfsögðu gera starfsfókið okkar að betri starfsmönnum með því að koma til þeirra meiri og betri þekkingu en þau hafa nú þegar. Svo það eru spennandi tímar framundan.

Þetta kemur fram á FB-síðu Kubuneh.