Tónleikar kórsins á aðventu eru í hugum margra Eyjamanna einn liðurinn í að komast í hið eina sanna jólaskap. Einsöngvarar með kórnum eru Sólveig Unnur Ragnars­dóttir og Jóhannes Freyr Bald­ursson. Þetta verða fyrstu jóla­tónleikarnir undir stjórn Kitty Kovács sem tók við stjórninni í haust. Eiginmaður hennar, Balázs Stankowsky, fiðlu­leikari, kemur einnig fram á tónleik­unum. Auk þess ætlar ung stúlka að þreyta þarna frumraun sína sem einsöngvari.