„Menn eru náttúrulega gífurlega ósáttir og þetta er bara ávísun á verkfall,“ sagði Bergur Kristinsson, formaður skipstjóra og stýrimannafélasins Verðandi þegar hann var spurður út í afnám sjómannaaf­sláttarins. „Ég var á farmanna- og fiski­manna­þingi á fimmtudag og föstu­dag og þar var smá fjör. Þegar frétt­in um afnám sjómannaafsláttarins barst okkur, afþökkuðum við boð Jóns Bjarnasonar, sjávarútvegs­ráðherra og Björn Valur Gíslason, þingmaður Vinstri grænna var eiginlega hrakinn í burtu. Það endaði með því að hann sagði sig frá öllum ­trúnaðarstörfum fyrir sjómenn,“ sagði Bergur og er óhress með viðbrögð forystumanna sumra stétt­arfélaga.