Baðlón við Skansinn aftur á dagskrá
Tölvumynd af fyrirhuguðu baðlóni.

Kristján G. Rikharðsson  fyrir hönd Lavaspring Vestmannaeyjar ehf.  lagði fram drög að skipulagsgögnum fyrir baðlón við Skansinn. Umhverfismatsskýrsla er unnin af ráðgjafafyrirtækinu Alta. Einnig hefur verið unnin tillaga að breytingu á aðalskipulagi Vestmannaeyja 2015-2035 í samræmi við tillögu þróunaraðila. Gögnin voru sett fram til kynningar fyrir umhverfis- og skipulagsráð.

Ráðið þakkaði kynninguna og fól skipulagsfulltrúa að kynna gögn fyrir bæjarstjórn áður en farið verður í næstu skref skipulagsferlisins.

Hugmyndin er ekki ný. Í desember 2020 er í Morgunblaðinu sagt frá hugmyndum um um að reisa nýtt baðlón sem staðsett verður á of­an­verðum Skans­in­um í Vest­manna­eyj­um. Gert var ráð fyr­ir heitu baðlóni ásamt heit­um pott­um, gufu­böðum og inn­byggðum hraun­helli. Jafn­framt verður aðstaða fyr­ir veit­inga­sölu og aðra þjón­ustu fyr­ir gesti lóns­ins.

Baðlónið verður um 1.400 fer­metr­ar að stærð  og bygg­ing­in sjálf um 1000 fer­metr­ar. Þá eru uppi framtíðar­hug­mynd­ir um að reisa 50 her­bergja hót­el í tveim­ur bygg­ing­um, sem staðsett­ar verða í hlíðum fjalls­ins.

Morgunblaðið vísar í heimasíðu Vestmannaeyjabæjar, vestmannaeyjar.is þar sem segir að á fundi bæj­ar­ráðs hafi verið til um­fjöll­un­ar drög að vilja­yf­ir­lýs­ingu Vest­manna­eyja­bæj­ar og Lava Spring Vest­manna­eyj­ar ehf. um gerð baðlóns­ins.

Bæj­ar­ráð fagnaði áform­um um upp­bygg­ingu Lava Spring Vest­manna­eyj­ar ehf. um gerð baðlóns í Eyj­um. Kristján og Íris Róbertsdóttir, bæjarstjóri skrifuðu undir viljayfirlýsingu í framhaldi af því.

Kristján sem oft er kenndur við fyrirtæki sitt, Skugga lét til sín taka í Eyjum þegar hann byggði einbýlishús við Búhamar og gerði upp Bása og Símstöðina fyrir nokkrum árum.

Útsýni frá veitingastaðnum yrði ekki af verri endanum.

Nýjustu fréttir

Aðsend grein
Hvað gerist næst
Stjórnmál
Jóhann Ingi skipar þriðja sætið á lista Miðflokksins
Myndband
Líflegur framboðsfundur Eyjafrétta – upptaka
Samgöngur
Herjólfur fer næstu ferðir til Þorlákshafnar
Aðsend grein
Sterk hagsmunagæsla
Stjórnmál
Hildur Rún skipar fjórða sæti á lista Eyjalistans 
Áhugavert
Gústav Axel með kraftmikinn sjávarréttaseðil á Einsa Kalda á MATEY
Aðsend grein
Öflug menning mótar lífið
Mest lesið
viðburðir
Matey 2022
22. maí 2026
18:00
MATEY Seafood Festival

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.