Björgunarfélag Vestmannaeyja og Slökkvilið Vestmannaeyja var kallað út nú fyrir stuttu vegna elds í farskipinu Fernando. Skipið er statt 18 sjómílur suður af Vestmannaeyjum. �?að var Landhelgisgæslan sem óskaði eftir aðstoð björgunaraðila í Vestmannaeyjum. Björgunarbáturinn �?ór er lagður af stað með björgunarsveitarmenn og hafnsögubáturinn Lóðsinn mun fylgja í kjölfarið með slökkviliðs- og sjúkraflutningamenn, m.a. með búnað til reykköfunar. Á Stórhöfða er nú 27 metra meðalvindhraði á sekúndu en mestu hviðurnar hafa farið upp í 34 metra. Sjóveður er ekki gott, ölduhæð við Surtsey er 4,2 metrar og má búast við að það taki björgunaraðila nokkurn tíma að komast að skipinu.