Það þurfti ekki að koma á óvart að Ólafur Ragnar Grímsson, forseti Íslands skyldi ákveða að staðfesta breytingar á lögum um veiðigjald sem Alþingi samþykkti í síðustu viku. Þar gekk forsetinn reyndar á móti straumnum því fyrir helgi fékk hann í hendur undirskriftir 33 þúsund Íslendinga sem kröfðust þess að hann synj­aði lögunum og vísaði þeim til þjóðarinnar. Lögin eru enginn gleðiboðskapur fyrir Vestmanna­eyjar því samkvæmt þeim greiða sjávar­útvegs­fyrirtæki í Vest­mannaeyjum samtals 2.3 millj­arða í veiðigjöld í ár.