Category: Fréttir

Tvö umferðaróhöpp, engan sakaði

Tvö umferðaróhöpp voru tilkynnt til lögreglu í vikunni sem leið. Að kvöldi sl. sunnudags lenti bifreið utan vega á Nýjahraunsvegi en ökumaður hennar var að taka framúr bifreið og missti við það stjórn á bifreiðinni sem endaði utan vega. Engin slys urðu á fólki og lítið sem ekkert tjón á bifreiðinni. (meira…)

Ferðamaður í sjálfheldu

Það var frekar rólegt hjá lögreglunni í vikunni sem leið og engin alvarleg mál sem komu inn á borð lögreglu. Reyndar þurfti lögreglan að aðstoða danskan ferðamann sem lenti í sjálfheldu fyrir ofan Fiskhella. (meira…)

Straumurinn liggur á �?jóðhátíð

Svo virðist sem straumurinn liggi til Eyja um verslunarmannahelgina en alls hafa um fjögur þúsund manns gengið frá bókunum, bæði í flug og með Herjólfi á Þjóðhátíð. Upppantað er með Herjólfi á fimmtudag og föstudag en enn laust á miðviudag og svo í næturferðir alla þrjá dagana. Hjá Flugfélagi Vestmannaeyja er búið að bóka um […]

Smíði á Bergey VE gengur vel

Smíði á Bergey VE sem Bergur-Huginn er að láta smíða gengur að óskum. Gert er ráð fyrir að skipið fari reynslusiglingu í þessari viku og verði afhent á næstunni. (meira…)

Hermann byrjaður með Portsmouth

Hermann Hreiðarsson, landsliðsmaður í knattspyrnu, lék á laugardag sinn fyrsta leik í búningi Portsmouth. Hermann lék síðari hálfleikinn þegar Portsmouth vann 2. deildar liðið Yeovil, 2:0, í æfingaleik á útivelli. Lomana LuaLua skoraði fyrra mark Portsmouth og Giovanni það síðara. (meira…)

Gæsluþyrlan sótti slasaðan ökumann

Harður árekstur varð á Gjábakkavegi rétt ofan við Laugardalsvelli skömmu eftir klukkan eitt í dag. Fimm erlendir ferðamenn voru í öðrum bílnum og ein íslensk kona í hinum. Hún var flutt með þyrlu Landhelgisgæslunnar, TF-GNÁ, á Landspítalann í Fossvogi. Óttast var að konan hefði innvortis blæðingar en að öðru leyti er ekki vitað um ástand […]

Gunnar Geir klúbbmeistari GV

Gunnar Geir Gústafsson tryggði sér í dag sigurinn í Meistaramóti Golfklúbbs Vestmannaeyja sem lauk í dag. Gunnar Geir lék afar vel keppnisdagana fjóra og endaði á einu höggi undir pari vallarins, sem er frábær árangur. Örlygur Helgi Grímsson, klúbbmeistari GV sótti hart að Gunnari á síðasta deginum en Gunnar hafði að lokum betur og Örlygur […]

Fjögurra daga dagskrá til að minnast Tyrkjaránsins 1627

Á morgun, sunnudag hefst glæsileg hátíðardagskrá til minninga um Tyrkjaránið 1627. Dagskráin hefst klukkan 11 með minningarmessu í Landakirkju þar sem m.a. verður afhjúpaður legsteinn séra Ólafs Egilssonar sem ritaði einmitt reisubók um veru sína í barbaríinu og ferðina heim. Dagskránni lýkur svo að kvöldi miðvikudags en dagskrána má lesa hér að neðan. (meira…)

Stund með þér, þjóðhátíðartextinn 2007

Guðný Óskarsdóttir, formaður Stuðningsmannaklúbbs ÍBV vill að sitt fólk hafi eitthvað um að hugsa þó ekki sé fótboltaleikur á næstunni hér heima. „Kæru stuðningsmenn þar sem næsti heimaleikur er ekki fyrr en 31. júlí hér heima ætla ég að senda ykkur þjóðhátíðartextann svo þið getið æft ykkur fyrir þjóðhátíðina,“ segir Guðný með baráttukveðju. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.