Miðjumaðurinn Hanna Kallmaier hefur framlengt samning sinn við ÍBV fyrir komandi keppnistímabil. Hanna er 26 ára miðjumaður sem spilaði alla 16 leiki ÍBV í Pepsi Max deild kvenna á seinasta keppnistímabili. Hanna átti frábært tímabil og var í lok tímabilsins valin besti leikmaður liðsins. Hanna er mikilvægur hlekkur í ÍBV liðinu, hún er mikill dugnaðarforkur og tilbúin að leggja mikið á sig, einnig er hún frábær fyrirmynd fyrir yngri leikmenn.