Heimilisfólk Hraunbúða vinnur þessa dagana að framleiðslu á einstaklega fallegum og persónulegum armböndum og körfum fyrir jólin.

Við náðum tali af Sonju Andrésdóttur virkni- og tómstunda fulltrúa á Hraunbúðum og sagði hún að ákveðið hafi verið að selja framleiðsluna og setja ágóða sölunnar í áframhaldandi virkni á Hraunbúðum. Allar körfurnar og armböndin eru handgerð af heimilisfólki og hægt er að velja nafn á armböndin. Stykkið af hvoru kostar aðeins 1000 krónur. Viðbrögðin hafa ekki látið á sér standa eftir að Sonja birti auglýsinguna á facebook síðunni ,,kvenfólk í eyjum” og hefur áhuginn ekki leynt sér.

Þeir sem hafa áhuga á að kaupa körfu eða armband geta haft samband við Sonju.