Í lok október hélt Daði Már Kristófersson, umhverfis- og auðlindahagfræðingur erindi í Þekkingarsetri Vestmannaeyja.  Erindið er hluti af mánaðarlegum erindum um sjávarútveg sem Þekkingarsetur Vestmannaeyja heldur fyrir aðila í sjávarútvegi í Vestmannaeyjum.  Erindi Daða fjallaði m.a. veiðigjöld: forsendur, áhrif og skiptingu þeirra.  Fram kom í erindinu að lögaðilar í Vestmannaeyjum greiddu 1181 mkr. í veiðigjöld á fiskveiðiárinu 2017/2018, eða um 10,5% af heildarveiðigjöldum.  4 stærstu fyrirtækin greiddu þar af 1008 mkr. eða 85% af gjöldunum í Eyjum.  Rúmlega 20 manns mættu á erindi Daða.

Í lok erindisins fjallaði hann um hvers vegna ætti að deila tekjum af veiðigjöldunum. Nefndi hann 3 atriði í því samhengi. Rökin fyrir því eru m.a. þau að það eru neikvæð áhrif framseljanleika aflaheimilda á byggðaþróun.  Það eru óumflýjanleg áhrif hagræðingar á fjölda starfa í sjávarútvegi og í þriðja lagi að sanngirnissjónarmið þurfa að liggja að baki.

En, hver eru möguleg áhrif á samfélag eins og Vestmannaeyjar?  Daði nefndi að nokkur áhætta væri undirliggjandi í samfélagi eins og í Vestmannaeyjum sökum hlutfallslegrar stærðar sjávarútvegsins af atvinnulífinu í Eyjum.  Deiling auðlindagjaldsins beint til sjávarútvegssveitarfélaganna gæti minnkað áhrifin af þeirri áhættu.  Veiðigjöld kalla á aukna hagræðingu í sjávarútveginum sem aftur bitnar á fjölda starfa.  Áhrif þess á sveitarfélög geta verið nokkuð mikil þar sem rekstur sveitarfélaga byggist að stórum hluta af útsvari af launatekjum.  Í dag er það þannig að veiðigjöld skila sér beint í ríkissjóð en ekki beint til sveitarfélaga og það sama á við um tekjuskatt fyrirtækja sem eykst við bætta afkomu fyrirtækja sem getur verið afleiðing hagræðingar.  Því er nokkur undirliggjandi áhætta sem forsvarsfólk sveitarfélaga þarf að vera meðvituð um.

Veiðigjöld1Thelma, Ragnheiður, Hrefna og Lilja

Veiðigjöld2Stefán og Daði

Veiðigjöld4Örvar, Arnar, Eyþór og Diddi mættu á erindið.

Veiðigjöld5Rúmlega 20 manns mættu á erindi Daða

DaðiDaði Már Kristófersson, umhverfis- og auðlindahagfræðingur

Hægt er að sjá erindið, bæði myndband, myndir og glærur, á heimasíðu Þekkingarsetursins