Vikan var frekar tíðindalítil hjá lögreglunni í Vestmannaeyjum og engin alvarleg mál sem komu upp. Einn fékk þó að gista fangageymslu lögreglunnar vegna ölvunar og óspekta. Þá þurfti lögreglan að stilla til friðar við einn af skemmtistöðum bæjarins en engin eftirmál urðu af því. Lögreglan vill beina því til eigenda bifreiða að láta taka nagladekkin undan en fljótlega verður farið að beita sektum vegna aksturs á negldum dekkjum og nemur sektin 5.000 kr. fyrir hvern hjólbarða. Þetta kemur fram í dagbók lögreglunnar sem má lesa hér að neðan.