Daney með pabba sínum í Jungfrau-Marathon, fjallamaraþoninu. Daney Götschi kom til Vestmannaeyja árið 2007, upphaflega ætlaði hún bara að vera hérna í eitt ár en núna eru þau orðin tólf. Það sem heillaði hana við eyjuna skyldi enginn undrast en það var náttúran, loftið og orka sem hér er. Henni finnst veturinn í Vestmannaeyjum stórkostlegur, kyrrðin, myrkrið og þögnin sem þá er heillar hana. Daney nýtur þess að labba og hlaupa um Eyjuna, stefnir á maraþon í heimalandinu sínu seinna á þessu ári og svo ætlar hún að taka þátt í Puffin run hlaupinu sem haldið verður í Vestmannaeyjum í maí.