ÍBV mætti í kvöld ÍR á útivelli í níundu umferð Olísdeildar karla. Eyjaliðið mætti ákveðnara til leiks og komust í 3-0. Staðan í leikhléi var 22-16 ÍBV í vil og jókst munurinn bara þegar leið á seinni hálfleikinn. Lokatölur 41-31 fyrir Eyjamenn.

Daniel Vieira var markahæstur í Eyjaliðinu með níu mörk og Sig­trygg­ur Daði Rún­ars­son skoraði sex. Svein Jose Ri­vera, Kári Kristján Kristjáns­son, Dag­ur Arn­ars­son og Andri Erl­ings­son skoruðu hver um sig fjögur mörk. Þá varði Pavel Mis­kevich 10 skot í markinu. Með sigrinum fór ÍBV upp í þriðja sæti deildarinnar, en ÍR er á botninum með 5 stig.