Síðari umræða um ársreikningur Vestmannaeyjabæjar

Íris Róbertsdóttir bæjarstjóri lagði ársreikning Vestmannaeyjabæjar fyrir árið 2020 fram til síðari umræðu á fundi bæjarstjórnar í liðinni viku og upplýsti um að engar breytingar hefðu orðið á ársreikningnum á milli umræðna.

Háværar viðvörunarbjöllur í framlögðum ársreikningi
Í bókun frá bæjarfulltrúum D lista um málið segir: Þrátt fyrir sterka fjárhagsstöðu Vestmannaeyjabæjar, þar sem ábyrg fjármálastjórnun undanfarinna kjörtímabila hefur gert það að verkum að langtímaskuldir sveitarfélagsins eru nær engar og eigin fjárstaða er sterk birtast nú háværar viðvörunarbjöllur í framlögðum ársreikningi. Hallarekstur aðalsjóðs er staðreynd ásamt því að veltufé frá rekstri aðalsjóðs sem hlutfall af heildartekjum hefur ekki verið jafn lágt síðan 2007, en það merkir að fjárflæði úr rekstrinum er í sögulegu hámarki síðustu 13 árin. Tap vegna reksturs Herjólfs hefur engin áhrif á veltufé frá rekstri.

Jákvæð niðurstaða á samstæðureikningi varnarsigur
Henni var svarað með bókun frá bæjarfulltrúum E og H lista: Heimsfaraldurinn á árinu 2020 reyndi verulega á hér í Vestmannaeyjum, en með samvinnu, samstöðu og samkennd, tókst Vestmannaeyingum að komast í gegnum árið af miklum myndarskap.
Á fundi bæjarstjórnar þann 16. apríl 2020, samþykkti bæjarstjórn allt að 714 milljóna króna aðgerðarpakka til viðbótar við fjárhagsáætlun, til þess að treysta atvinnu og tryggja gang samfélagsins á erfiðum tímum. Sú aðgerð skilaði árangri fyrir atvinnulífið og einstaklinga, en að sjálfsögðu hafði það áhrif á rekstrarafkoma bæjarins fyrir árið 2020
Þrátt fyrir neikvæða rekstrarniðurstöðu á aðalsjóði bæjarsjóðs, sem stafar af ýmsum óvæntum útgjöldum, svo sem Covid, Herjólfi, hækkun kjarasamninga og auknum lífeyrisskuldbindingum, er sú niðurstaða óveruleg, sérstaklega í ljósi allra þeirra áfalla og launahækkana samfara nýjum kjarasamningum. Meirihluti E- og H- lista lítur svo á að jákvæð niðurstaða á samstæðureikningi bæjarins sé ákveðinn varnarsigur eftir erfitt ár. Öll sveitarfélög hafa verið að glíma við fjárhagserfiðleika í tengslum við Covid, svo sem skert útsvar og skertra framlaga úr Jöfnunarsjóði, en jafnframt þurft að ráðast í auknar framkvæmdir til að tryggja atvinnu og lífsviðurværi íbúa. Covid hafði gríðarleg áhrif á tekjur Herjólfs, þannig að ganga þurfti á allt hlutafé félagsins, með tilheyrandi áhrifum á bæjarsjóð. Samt er staða bæjarsjóðs góð og bærinn stendur á traustum grunni.

Fjármálastjórnun bæjarins er fagleg og vel ígrunduð og sveitarfélagið vel í stakk búið að vinna úr þeim aðstæðum sem uppi eru. Staða Vestmannaeyja er sterk og full ástæða til bjartsýni framundan.

Niðurstöðutölur úr ársreikningi Vestmannaeyjabæjar og stofnana hans fyrir árið 2020:

a) Ársreikningur sjóða í A-hluta 2020:

Afkoma fyrir fjármagnsliði (neikvæð) kr. -156.231.000
Rekstrarafkoma ársins (neikvæð) kr. -60.211.000
Niðurstaða efnahagsreiknings kr. 12.405.835.000
Eigið fé kr. 6.969.004.000

Samstæða Vestmannaeyjabæjar

Afkoma fyrir fjármagnsliði kr. -160.964.000
Rekstrarafkoma ársins (jákvæð) kr. 29.171.000
Niðurstaða efnahagsreiknings kr. 14.891.123.000
Eigið fé kr. 9.220.110.000

b) Ársreikningur Hafnarsjóðs Vestmannaeyja 2020:

Afkoma fyrir fjármagnsliði kr. 31.100.000
Rekstrarafkoma ársins kr. 46.913.000
Niðurstaða efnahagsreiknings kr. 2.149.554.000
Eigið fé kr. 1.944.336.000

c) Ársreikningur Félagslegra íbúða 2020:

Afkoma fyrir fjármagnsliði kr. 19.606.000
Rekstrarafkoma ársins kr. 9.636.000
Niðurstaða efnahagsreiknings kr. 743.691.000
Eigið fé ( neikvætt) kr. -79.431.000

d) Ársreikningur Fráveitu Vestmannaeyja 2020:

Afkoma fyrir fjármagnsliði kr. 48.597.000
Rekstrarafkoma ársins kr. 30.680.000
Niðurstaða efnahagsreiknings kr. 706.602.000
Eigið fé kr. 342.111.000

e) Ársreikningur Dvalarheimilisins Hraunbúða 2020:

Afkoma fyrir fjármagnsliði (neikvæð) kr. -93.142.000
Rekstrarafkoma ársins kr. 0
Niðurstaða efnahagsreiknings kr. 252.994.000
Eigið fé kr. 29.806.000

g) Ársreikningur Vatnsveitu 2020:

Afkoma fyrir fjármagnsliði kr. 0
Rekstrarafkoma ársins kr. 0
Niðurstaða efnahagsreiknings kr. 368.000.000
Eigið fé kr. 0

h) Ársreikningur Vestmannaeyjaferjunar Herjólfs ohf 2020:

Afkoma fyrir fjármagnsliði (neikvæð) kr. -113.339.000
Rekstrarafkoma ársins (neikvæð) kr. -113.038.000
Niðurstaða efnahagsreiknings kr. 148.118.000
Eigið fé (neikvætt) kr. -5.011.000

i) Ársreikningur Náttúrustofu Suðurlands 2020:

Afkoma fyrir fjármagnsliði kr. 7.163.000
Rekstrarafkoma ársins kr. 7.163.000
Niðurstaða efnahagsreiknings kr. 20.355.000
Eigið fé kr. 19.293.000

Ársreikningur Vestmannaeyjabæjar fyrir 2020 var samþykktur með sjö samhljóða atkvæðum.
Vestmannaeyjabær ársreikningur 2020_síðari umræða_12052021.pdf

Nýjustu fréttir

Aðsend grein
Hvað gerist næst
Stjórnmál
Jóhann Ingi skipar þriðja sætið á lista Miðflokksins
Myndband
Líflegur framboðsfundur Eyjafrétta – upptaka
Samgöngur
Herjólfur fer næstu ferðir til Þorlákshafnar
Aðsend grein
Sterk hagsmunagæsla
Stjórnmál
Hildur Rún skipar fjórða sæti á lista Eyjalistans 
Áhugavert
Gústav Axel með kraftmikinn sjávarréttaseðil á Einsa Kalda á MATEY
Aðsend grein
Öflug menning mótar lífið
Mest lesið
viðburðir
Matey 2022
22. maí 2026
18:00
MATEY Seafood Festival

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.