Siggi Stormur spáir í veðrið

Það var margt um manninn í rigningunni í gær við að setja upp súlur í Herjólfsdal.  Umferð var stýrt inn í Dal, svo einungis færu þangað bílar með stangir, nóg var umferðin samt.

Aðeins þeir sem voru með súlur máttu keyra alla leið inn í Herjólfsdal.

Aldrei eins mörg Þjóðhátíðartjöld og nú
Í ár er metfjöldi Hvítra tjalda í Dalnum, skýrist það aðallega af tvennu: í fyrsta lagi þá eru flestir Vestmannaeyingar eru í spreng við að fá að halda langþráða Þjóðhátíð og sumar fjölskyldur sem hafa ekki tjaldað í fleiri ár, eru að tjalda. Í öðru lagi eru Þjóðhátíðartjöldin orðin stærri en tíðkaðist.

Það hringdi hressilega á fólk í Dalnum í gær.

Gróflega er áætlað að svæðið undir Hvítu tjöldin sé helmingi stærra en nokkurntíman hefur veirð. Sumar götur nú eru því frá skilti út að malarvegi fyrir aftan svæðið. Ef þróunin heldur áfram á þennan veg þarf mögulega að ræða stækkun tjaldsvæðis fyrir Hvítu tjöldin og/eða takmarka fjölda þeirra. Hvorugur kosturinn þykir góður þar sem stækkun tjaldsvæðiðs myndi þýða að það þyrfti að fletja út Veltusundið. Og þá fyrst væri Þjóðhátíðarnefnd komin í vandræði!

Sól í Eyjum?
Á vef Fréttablaðsins segir Siggi Stormur veðurspárnar fyrir helgina vera að skána, sérstaklega fyrir Vestmannaeyjar.

„Ég á allt eins von á því, eins og stemningin er í spánum, að það verði alveg sól, tja, hverju á ég að lofa? Að það verði sól, má maður nefna Vest­manna­eyjar? Þá kannski eyði­leggur maður eitt­hvað, en spárnar eru sæmi­lega bjartar í Vest­manna­eyjum framan af helgi, en það verður svo­lítill vindur, sem skyggir svo­lítið á þetta, en það verður úr noðr­vestri, þannig ég held að Herjólfs­dalur verði í skjóli.“

Vinsæl hjá lægðunum
„En heilt yfir erum við að tala um vinda- og væta­sama helgi. Þetta er sama spurning og ég fékk frá öldruðum manni fyrir stuttu, af hverju ekki einn mánuð á ári sem er sæmi­legur? Við erum bara þannig í sveit sett á At­lants­hafi að við erum bara mjög vin­sæl hjá lægðunum, spor­braut lægðanna liggur yfir okkur eins og borgar­línan. Þetta er svo­lítið eins og leið eitt. Ís­land er vin­sælt meðal lægðanna.“

Nýjustu fréttir

Fréttir
Gul viðvörun – Austanhríð
Íþróttir
Kristín Klara lék í sigri Íslands á Serbíu
Íþróttir
Þar sem andinn er góður og stemningin í klefanum frábær
Kynning
Bílaumboðið Una selur XPENG bíla á Íslandi 
Áhugavert
Árni Árnason – Þurrabúðarlíf í Eyjum um aldamótin 1900
Bæjarmálin
34,8 milljónir í fjárhagsaðstoð í fyrra
Úr blaði Eyjafrétta
Safna fyrir innileikvelli fyrir börn 
Fréttir
85 ára saga Rauða krossins í Eyjum – opið hús í Arnardrangi á sunnudag
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.