KFS og Álftanes mættust í 3. deild karla í dag á Hásteinsvelli. Heimamenn byrjuðu af krafti og fyrsta mark leiksins kom eftir aðeins sex mínútna leik en þar var að verki nýjasti leikmaður KFS, �?skar Zoega �?skarsson. Kjartan Guðjónsson kom svo KFS í 2-0 á fimmtándu mínútu og stuttu seinna skoraði Sölvi Víðisson og staðan orðin 3-0 og ekki tuttugu mínútur liðnar af leiknum. Gestirnir frá Álftanesi náðu að minnka munninn rétt áður en dómari leiksins flautaði til hálfleiks og staðan því 3-1 þegar liðin gengu til búningsklefa.

Síðari hálfleikur fór aðeins rólegra af stað heldur en sá fyrri en á 60 mínútu kom Gunnar Páll Pálsson KFS í 4-1 og nokkrum mínútum síðar skoraði Yngvi Borgþórsson fimmta mark þeirra en hann gekk til liðs við KFS í gær frá ÍBV. Guðbjörn Alexander Sæmundsson skoraði annað mark gestanna á 77. mínútu en gestirnir áttu aldrei séns í vel spilandi lið KFS. Sigurður Grétar Benónýsson skoraði svo síðasta mark KFS þegar venjulegum leiktíma var lokið.