Stóru málin þrjú – Við þurfum lausnir sem henta okkur

Sátt um samgöngur
Við eigum allt okkar undir samgöngunum. Það sést vel núna í endalausum vetrarlægðum þegar matvöruverslanir standa hálf tómar milli vörusendinga og ekki er hægt að treysta á að Herjólfur gangi alla daga. Hluti af vandanum er hin óviðráðanlega náttúra en það verður að segjast að hluti er líka heimatilbúinn. Vafi leikur á um hvort vikt hafi verið í hagsmunagæslunni undanfarið og ekki hefur verið sátt um málefni Herjólfs

Hér áður, með kröftugri hagsmunagæslu leystum við vandamál í samgöngum. Þegar til stóð að hafa flugvöllinn lokaðan á laugardögum eitt sinn var því mótmælt harkalega og úr varð að hætt var við lokunina. Á síðasta kjörtímabili var jafn ljóst og nú að enginn hér innanlands bjó yfir búnaði til að halda Landeyjahöfn opinni í samræmi við lágmarks væntingar og sótti þá bærinn hæfa aðila erlendis frá í verkið.

Það þarf fyrst og fremst sátt um samgöngur og líklega næst hún ekki nema að öðrum verið gefið tækifæri til að fara með ferðina.

Heilbrigðismál í samræmi við þjónustuþörf
Heilbrigðisþjónusta við unga sem aldna í Vestmannaeyjum er að mestu rekin frá Selfossi. Stærstu ákvarðanirnar eru teknar þar og þörfin er metin þaðan. Við upplifum sama vanda í þessum málum og flestir á Suðurlandi því það hefur sýnt sig, á jafn stóru landssvæði sem Suðurlandið er að svona kerfi getur ekki verið skilvirkt. Boðleiðirnar eru langar og hægar. Við erum í raun á sama stað og við vorum í samgöngunum áður en við tókum við rekstri Herjólfs. Við höfðum lítið sem ekkert um ástandið að segja.

Ég held að meiri aðgengi að einkarekinni þjónustu hér í Eyjum eins og Sjálfstæðisflokkurinn hefur talað fyrir undanfarið gæti verið einhvers konar lausn á þessum vanda. Slíkt kerfi gengur út á að tiltekið fjármagn frá ríkinu fylgir hverjum sjúkling á ári sem greiði fyrir þá þjónustu sem sjúklingurinn þarf, í stað þess að spítalinn fái fjármagn áætlað fyrir heildina. Þetta skapar raunverulega hvata í kerfið til að afkasta betur. Þetta gæti opnað á að skurðstofan hér opni og þar fari fram tilteknar aðgerðir sem og fæðingarþjónusta.

Græna orkan og aðgengið
Við höfum sannarlega fundið fyrir hve raforkuflutningskerfið hér á Íslandi er viðkvæmt í vetrarlægðunum. Í ofan á lag er löngu kominn tími á nýja línu yfir lögin og varaflið, sem þó hefur verið bætt nýlega, er af skornum skammti.

Ég tel að lausnin í þessum efnum sé nær okkur en við áttum okkur á. Ef raunveruleg orkuskipti eiga að eiga sér stað tel ég réttast að nýta orkuna hér í kring frekar en að sækja hana yfir lögin. Það yrði alltaf ódýrara fyrir sameiginlega sjóðinn ef við gætum virkjað sjálf hér í kring. Þróun í þessum lausnum hefur verið ótrúleg undanfarin 20-30 ár og einkennast ekki aðeins af risavöxnum vindmyllum og föstum sjávarfallavirkjum. Lausnin hér væri t.d. að vera með færanlegan sjávarfallavirkjun sem staðsetja mætti víða hér í kring og draga svo í land þegar veður eru vond. Gerðar hafa verið velheppnaðar tilraunir með eina slíka á Orkneyjum norður af Skotlandi en þannig virkjun getur séð 4000 heimilum fyrir rafmagni og því feiki nóg til að útvega heimilum hér orku og tryggja góðan forða af varaafli.

26. mars nk. er prófkjör Sjálfstæðismanna hér í Eyjum og óska ég eftir stuðningi þínum í 3. sæti á lista flokksins fyrir komandi kosningar. Við þurfum að hugsa í lausnum sem henta okkur sem hér búa.

Gísli Stefánsson
Æskulýðsfulltrúi og tónlistarkennari

Nýjustu fréttir

Fréttir
Styttist í að sundlaugin opni
Aðsend grein
Segjum það sem við getum staðið við
Áhugavert
Guðrún Erlings lætur fimmtán ára draum rætast
Aðsend grein
Framtíðin er í okkar höndum
Aðsend grein
Flugútboð til Eyja
Aðsend grein
Óásættanlegt ástand í Landeyjahöfn
Aðsend grein
Mokstur á þjóðveginum til Vestmannaeyja
Íþróttir
ÍBV fær ÍR í heimsókn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.