Tryggja þarf að slíkar aðstæður komi aldrei aftur upp
7. desember, 2020
TF-EIR í Vestmannaeyjum mynd: Landhelgisgæslan

Bæjarstjórn Vestmannaeyja sendi frá sér sameiginlega bókun á fundi sínum í síðustu vikur þar lýsir bæjarstjórn yfir miklum vonbrigðum með þá óásættanlegu stöðu sem skapaðist í síðustu viku þegar björgunarþyrlur Landhelgisgæslunnar voru ekki til taks frá fimmtudegi til sunnudags vegna viðhalds og verkfalls flugvirkja. Vestmannaeyjar eru eyjasamfélag sem reiða sig, við erfiðar veðurfarslegar aðstæður, á þjónustu björgunarþyrlna og þegar aðstæður skapast að hefðbundnu sjúkraflugi verður ekki viðkomið er nauðsyn slíkrar þjónustu jafnvel lífsspursmál. Að sama skapi er stór hluti vinnuafls í Vestmannaeyjum sjómenn sem vinna við erfiðar aðstæður og er þjónusta björgunarþyrla Landhelgisgæslunnar þeirri stétt afar mikilvæg. Í desember á síðasta ári var samþykkt tilraunaverkefni heilbrigðisráðherra um sérhæfða sjúkraþyrlu á Suðurlandi og er mikilvægt að það verkefni komist í farveg sem fyrst og fjármagn vegna þess verði tryggt. Sérhæfð bráðaþjónusta hefur verið skert verulega á landsbyggðinni, þ.á.m. í Vestmannaeyjum á síðustu áratugum sem eykur þörf fyrir örugga sjúkraflutninga í öllum veðrum.
Bæjarstjórn felur bæjarstjóra að óska eftir upplýsingum frá heilbrigðisráðherra um stöðu sjúkraþyrluverkefnisins og koma áhyggjum bæjarstjórnar og óánægju vegna þeirra aðstæðna sem sköpuðust í síðustu viku á framfæri. Tryggja þarf að slíkar aðstæður komi aldrei aftur upp

Facebook
X
LinkedIn
Pinterest
Reddit
Email
Print
Skoða blaðið á netinu
Forsida 5 Tbl EF
5. tbl. 2025

NÝBURAR

76e2af77 02d9 48eb B73a 24c32e2403ac
4. janúar 2025
Drengur
Landspítalinn, Reykjavík.
Katrín Rós Óðinsdóttir og Sæþór Örn Garðarsson.
Mest lesið
Fylgstu með

Skráðu þig á fáðu nýjustu tilkynningar fyrst

Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.