Áðan þegar ég fór útí búð þá varð mér hugsað til samtals sem átti sér stað milli nokkurra fjölskyldumeðlima minna útí Danmörku um daginn, umræðuefnið var “að búa í útlöndum”.

Þetta byrjaði með því að fyrsta ræðukona sagðist ekki geta flutt til útlanda því að hún gæti ekki drukkið mjólkina þar og það vantaði alla Íslensku hlutina sem að hún væri vön og þetta væri eitthvað svo flókið allt saman.
Ég náttúrulega hokinn af reynslu af því að búa útí í hinum stóra heimi fór að sjálfsögðu að reyna að sannfæra hana um að þetta væri enú ekki mikið mál, tæki smá tíma að læra inná hlutina og svo kæmi þetta allt með tímanum og sagði nokkrar reynslusögur til að sanna mál mitt. Það var ekki flókið að búa í Namibíu því þar er enska opinbert tungumál svo ég vissi alltaf hvað ég var að kaupa þar.
Í Marokkó var þetta aðeins flóknara því Arabíska er nú ekki beint tungumál sem að maður lærir 1,2og3 enda var ekkert keypt þar nema við þekktum það á umbúðunum einhversstaðar annarsstaðar frá og var nú ekki úrvalið mikið.  Hér aftur á móti er stórt mall við hliðina á þar sem að ég bý og vöruúrvalið mikið. Ég hef ekki lent í miklum vandræðum við að versla þar þó að þeir lími miða á Litháensku með innihaldslýsingu yfir ensku lýsinguna svo stundum veit ég ekki hvað ég er að kaupa. Þetta á sérstaklega vel við þegar ég kaupi álegg, það er náttúrulega allt á Litháensku á þeim umbúðum og ég kaupi það sem að lítur vel út og er búinn að smakka nokkur og ekkert verið vont hingað til en ég veit ekkert úr hverskonar kjöti það er gert og kannski bara best að vita það ekki !!!!!!!
Kjötborðið sem er nokkuð stórt og vel búið er svo allt annar handleggur, ég bíð eftir að einhver byrji að vinna þar sem talar ensku áður en ég ræðst á það, hef keypt kjúkling þar, læt það duga í bili. Ég kom með fulla körfu af ávötum og grænmeti áðan á kassann og týni allt uppá færibandið og konana byrjar að skanna þetta allt inn en þegar hún kemur að kokteil tómötunum þá stoppar allt. Þeir voru eitthvað vitlaust merktir og hún fer eittthvað að reyna að tala við mig á Litháensku en ég segi henn að ég tali ekki sama mál og hún en hún lætur ekki segjast og heldur áfram en skilur svo loksins að ég er ekki að skilja hana. Hún kallar á öryggisvörð til að líta eftir mér og hverfur svo með kokteiltómatana mína og ég stend eftir einsog illa gerður hlutur. Hún birtist svo aftr eftir nokkrar mínútur sem mér fannst vera einsog heil eilífð og þá var hún búin að redda tómötunum og hélt áfram þar til að hún kom að paprikunum sem að voru 3 litir saman í poka og greilnilega ekki nógu vel merkt og ekkert gerðist þegar að hún reyndi að skanna. Hún leit á mig og útúr augnaráðinu las ég “hvaða rugl vörur ert þú að kaupa ungi fallegi maður” með svip sem að hefði getað drepið mann en til allrar hamingju þá gat stelpan á næsta kassa reddað þessu svo að ekki þyrfti að kalla á öryggisvörðinn aftur og hún þyrfti að hverfa og redda málinu í grænmetisdeildinni. ég borgaði svo bara og brosti mínu fallegasta ti lhennar en því brosi var ekki svarað með brosi. Segiði svo ekki að það sé ekki gaman að búa í útlöndum, ef að þetta hefði verið á Íslandi þá hefðum við bara spjallað saman og reddað málinu og allir verið vinir og ég ekki getað sagt frá neinu. Héðan í frá ætla ég bara að kaupa hluti sem að eru vel merktir og fara á kassa þar sem að það er ung stelpa að afgreiða því að hún skilur líklega einhverja ensku og þá fæ ég kannski ekki svona augnaráð aftur. Mér varð svo um að ég dreif mig bara heim og gleymdi að fara í aðra búð sem að ég ætlaði í. Nú ætla ég að fara að elda pulsur sem að ég veit ekkert úr hverju eru búnar en þær smakkast samt vel, hef prófað þær áður.  

Alltaf fjör í útlöndum
INGI

http://demantaleit.spaces.live.com/