Day: 11. júní, 2008

Eyjastúlkur fór á kostum í seinni hálfleik

Kvennalið ÍBV vann í kvöld sannfærandi sigur á Haukum í 1. deild kvenna en liðin áttust við í blíðunni á Hásteinsvelli. Eyjastúlkur voru sterkari aðilinn allan leikinn en áttu í erfiðleikum með að skapa sér alvöru marktækifæri í fyrri hálfleik. Gestirnir komust yfir undir lok fyrri hálfleiks, nokkuð gegn gangi leiksins en leikmenn ÍBV voru […]

Sundhöll Selfoss opnar í fullri virkni á morgun 12. júní

Sundhöll Selfoss opnar í fullri virkni á morgun fimmtudaginn 12. júní. Pottarnir hafa verið opnir síðustu daga sem og innilaugin. Á morgun komast því útilaugin og barnalaugin í gagnið aftur. Þetta eru mikil gleðitíðindi enda er veðurspáin góð fyrir morgundaginn sem og næstu daga. (meira…)

Fróði ll ÁR 38 landar eftir fyrstu veiðiferðina

Nýtt skip Fróði ll ÁR 38 var að koma úr sinni fyrstu veiðiferð í morgun til Þorlákshafnar. Aflinn var 54 kör af humri og um 30 kör af fiski. Fróði ll kemur í stað hins mikla aflaskips frá Stokkseyri Fróði ÁR 33 sem er aflahæsta skipið á yfirstandandi humarvertíð og greint hefur verið frá reglulega […]

�?orskkvótinn verður 130 þús. tonn á næsta fiskveiðiári

Einar K. Guðfinnsson sjávarútvegsráðherra segir að þorskkvótinn á næsta fiskveiðiári verði 130 þúsund tonn. Það sé í samræmi við samþykktir ríkisstjórnarinnar í fyrra. Þetta kom fram í viðtali við ráðherrann í fréttum Ríkisútvarpsins. Einar sagði jafnframt að hann myndi í lok vikunnar kynna tillögur sínar um kvóta annarra fisktegunda (meira…)

Vilja endurskoða rannsóknaraðferðir við mat á stofnstærð og veiðiþol einstakra tegunda

Stjórn Útvegsbændafélags Vestmannaeyja lagði fram á almennum fundi félagsins samþykkt vegna tillagna Hafró um hámarksafla á næsta fiskveiðiári. Í samþykktinni kemur fram að tillögur Hafró séu félagsmönnum mikil vonbrigði og segja mikið ósamræmi milli tillagnanna og þess góða ástands sem sjómenn og útgerðarmenn hafa upplifað á miðunum í kringum landið. Þá vilja félagsmenn endurskoða rannsóknaraðferðir […]

Sjö milljarða króna Landeyjahöfn

Sjö milljarða króna framkvæmd við Landeyjahöfn í Bakkafjöru hefst í sumar. Áætlað er að Landeyjahöfn ásamt nýrri Vestmannaeyjaferju verði tekin í notkun síðsumars árið 2010. Ferðatími frá Vestmannaeyjum til Reykjavíkur styttist um eina og hálfa klukkustund. Siglingatíminn styttist mun meira. (meira…)

Lélegasti leikurinn okkar í sumar

Heimir Hallgrímsson þjálfari Eyjamanna var sáttur með sigur sinna manna gegn Víkingi í kvöld en var ekki ánægður með spilamensku liðsins. „Ég er ánægður með að fá þrjú stig gegn Víkingi sem var spáð efsta sætinu en þetta var arfaslakur leikur hjá okkur og bara leikurinn í heild sinni,“ sagði Heimir í samtali við Fótbolta.net […]

Sumarferð Stokkseyringafélagsins

Hin árlega sumarferð Stokkseyringafélagsins í Reykjavík verður farin laugardaginn 14. júní n.k. Farið verður frá Stokkseyri til Stokkseyrar. Eldri borgara á Stokkseyri, en þeir hafa aðstöðu í Ásgeirsbúð á Stokkseyri, munu koma með í ferðina. Ferðin hefst á Stokkseyri við Ásgeirsbúð kl:10:00 þar sem heimamenn koma í rútuna og farið til Reykjavíkur og stoppað í […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.