Á þessu ári eru liðin 240 ár frá því byggingu Landakirkju var lokið. Kirkjan var byggð 1774-1780 en þá voru íbúar í Eyjum innan við 300 talsins. Tvær meiriháttar breytingar hafa verðið gerðar á kirkjunni á þessum 240 árum.  Í tíð von Kohls sýslumannas (1853-1860)  var byggður tréturn á kirkjuna predikunarstóll sem stóð sunnanmegin var fluttur yfir altarið og settar voru svalir yfir vesturenda og fram með langveggjum.

Síðari stóra breytingin var bygging nýrrar  myndarlegrar forkirkju úr steini   1955-1959 sem er í stíl við sjálfa kirkjuna.   Þessu til viðbótar var byggt safnaðarheimili  við kirkjuna 1988-1990  sem síðar var stækkað verulega.

Sóknarnefnd ákvað fyrr á þessu ári að minnast 240 ára afmælisins sunnudaginn 30. ágúst nk. og verður síðar gerð nánari grein fyrir dagskránni.

Í tilefni afmælisins var ákveðið að byggja nýjan vegg á vesturhluta lóðar í stað eldri  sem er mjög illa farinn. Þá var ákveðið að fara í múrviðgerðir á  austur og suðurveggjum  lóðarinnar. Ljóst var að afla þurfti styrkja og sjálfboðaliða til að hægt væri að fara í þessi verk. Starfsfólk krikjunnar hefur að undanförnu unnið við múrviðgerður á veggjum.  Í gær kom vaskur hópur sjálfboðaðliða úr hópi sóknarnefndar og starfsfólks kirkjunnar og byrjaði að mála austur og suðurvegg og verður því verki haldið áfram í dag.. Fyrirtækin Málning hf. og Miðstöðin hf. – gáfu alla málningu á veggina.  Þá hafa nokkur fyrirtæki, stofnanir og verktakinn gert mögulegt að  hefja framkvæmdir við vesturvegg sem liggur að Vallargötu. Þessum framkvæmdum verður lokið tímalega áður en haldið verður upp á 240 ára afmæli Landakirku 30. ágúst næst komandi.