ÍBV er dottið úr Evrópukeppninni eftir jafntefli í seinni leik gegn Krems frá Austurríki 32:32. Leikið var í Vestmannaeyjum en fyrri leiknum lauk með 30:28 sigri Austurríkismanna. Eyjamenn þurftu því að vinna með þremur mörkum til að komast áfram.

Sú varð ekki reyndin sem má þakka eða ekki þakka dómurum dönskum sem höfðu allt aðra skoðun á brotum ÍBV en Krems. Eyjamenn létu það fara í taugarnar á sér, skiljanlega en Kemsmenn því ánægðari enda sex mörkum yfir í hálfleik 13:19.

Dómararnir slökuðu aðeins á klónni fyrstu tíu mínútur seinni hálfleiks og þá náði ÍBV að jafna, 19:19 og náði þriggja marka forystu 23:20 á 43. mínútu. Þá tók við ótrúlegur farsi með yfirdómarann í aðalhlutverki og eftir það var á brattann að sækja fyrir ÍBV. Jafntefli ekki ósanngjarnt en litlu Vestmannaeyjar áttu ekki séns gegn samstöðu Evrópusambandsins.

Mynd Sigfús Gunnar.

Arnór og Kári Kristján í baráttu á línunni.