Stundum spyrja börnin mín einfaldra spurninga sem eru samt þær erfiðustu.

„Af hverju ertu að fara á fund?“

„Þarftu að fara á fund?“

Þau sjá að þetta tekur tíma. Þau sjá að ég les yfir gögn á kvöldin.

Ég segi þeim að þetta skipti máli.

Að ákvarðanir sem eru teknar á þessum fundum hafi áhrif á fólkið í kringum okkur.

Að ef maður hefur eitthvað fram að færa, þá sé betra að taka þátt en að sitja hjá.

Ég vil að þau alist upp í samfélagi þar sem hlutirnir eru gerðir vel. Þar sem ákvarðanir eru teknar af ábyrgð. Þar sem fólk getur treyst því að einhver sé að hugsa um framtíðina, ekki bara næsta dag.

Kannski er helsta ástæðan einföld.

Ég vil geta horft á þau og sagt að þegar ég hafði tækifæri til að leggja mitt af mörkum, þá gerði ég það. Ég vil einfaldlega geta sagt við börnin mín að ég hafi reynt að standa mig vel, fyrir þau og fyrir samfélagið okkar. Ég óska eftir stuðningi í 4. sæti í prófkjöri Sjálfstæðisflokksins í Vestmannaeyjum 13. mars næstkomandi.

Rannveig Ísfjörð