Á morgun verður Vestmannaeyjamótið í FIFA haldið í Týsheimilinu kl. 20.00. Um er að ræða einstaklingskeppni og verða veitt glæsileg verðlaun fyrir fyrstu 3 sætin. Mótsgjald er 2500 kall og er mótið fyrir 18 ára og eldri. Tölvur og stýripinnar verða á staðnum en hjátrúafullir spilarar mega koma með sinn stýripinna.
Skráning fer fram á knattspyrna@ibv.is.

Til gamans má geta að leikur Kára og KFS verður sýndur í Týsheimilinu en hann hefst kl. 20.00. Allir eru velkomnir, hvort sem þeir vilja horfa og spjalla eða spila FIFA. Heyrst hefur að Telmo og Sito gætu spilað með KFS í leiknum en það mun koma betur í ljós.