Af vettvangi bæjarmálanna
Margrét Rós Ingólfsdóttir
Það er mér bæði ljúft og skylt að verða við áskorun eyjafrétta/eyjar.net um að skrifa meira um bæjarmálin, enda er ég sannarlega alls ekki farin að huga að framboði á öðrum vettvangi.

Af vettvangi skipulagsmála

Að mínu mati er skipulagning íbúðabyggðar í Löngulág forgangsmál í skipulagningu íbúðabyggðar. Mér hugnast ekkert sérstaklega að Vestmannaeyjabær sé að skipuleggja mörg ný svæði í einu eins og núverandi meirihluta vill gera. Það gæti t.d orðið til þess að einhver svæðanna yrðu hálfbyggð í lengri tíma sem liti að mínu mati ekki vel út.

Einkaaðilar hafa verið iðnir við uppbyggingu og lítur út fyrir að t.d Strandvegurinn muni taka miklum breytingum á næstu misserum. Framtak einkaaðila er nauðsynlegt og ekki síður samfélagslega mikilvægt.

Ég hef lagst gegn lagningu minnisvarða, eða listaverks, á Eldfellið með þeim hætti sem mér hefur verið kynnt. Sú afstaða hefur ekki breyst og það að Ólafur Elíasson sé heimsfrægur listamaður breytir ekki skoðun minni. Ég vona innilega að þetta verði til sóma en eins og ég hef sagt áður að á meðan ekki liggja fyrir nákvæmari upplýsingar er ég ekki til í að veðja á að þetta verði stöngin inn en ekki út.

Gervigras

Sem áhugamanneskja um fótbolta fagna ég lagningu gervigras á Hásteinsvöll. Ég viðurkenni að á síðasta heimaleik karlaliðsins horfði ég yfir völlinn og hugsaði að völlurinn væri nú helvíti fallegur en ég veit sem er að gervigras mun bæta aðstöðu knattspyrnunnar svo um munar, ekki einungis fyrir meistaraflokkana heldur einnig yngri iðkanda. Það er nauðsynlegt. Áætlað er að hefja framkvæmdir í desember og verklok áætluð í maí.

Fjárhagsáætlun

Gerð fjárhagsáætlunar er nú í fullum gangi og höfum við, bæjarfulltrúar Sjálfstæðisflokksins, verið boðuð á fund í miðjum október þar sem fara á yfir þá vinnu sem àtt hefur sér stað við gerð fjárhagsáætlunar. Það er mikilvægt að sýna aðhald í rekstri og að gætt sé að fjármunum okkar allra, þeir eru ekki endalausir.

Mér þykir vænt um þegar bæjarbúar hafa skoðanir á málefnum sveitarfélagsins og myndi gjarnan vilja eiga virkara samtal við þà. Það er öllum frjálst að hafa samband og viðra skoðanir sínar á öllu mögulegu.

 

Margrét Rós Ingólfsdóttir
Bæjarfulltrúi Sjálfstæðisflokksins

Nýjustu fréttir

Íþróttir
Morgan Goði stal senunni í sigri ÍBV á Aftureldingu
Fréttir
Fyrsti snjór ársins loksins fallinn í Eyjum
Myndband
Vestmannaeyjar fyrri tíma lifna við í Sagnheimum
Íþróttir
Liam Daði gengur til liðs við ÍBV
Sjávarútvegur
Horfa til úthafseldis vestur af Vestmannaeyjum
Sjávarútvegur
Loðnuvertíð í hámarki
Fréttir
Perlað fyrir Kraft í Höllinni
Samgöngur
Dýpi í Landeyjahöfn ekki nægilegt nema við bestu aðstæður
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.