Guðbjartur Ellert Jónsson, framkvæmdastjóri Vestmannaeyjaferjunnar Herjólfs ohf. kom á fund bæjarráðs í gær til að kynna stöðu einstakra viðfangsefna félagsins.

1. Áætlanir rekstrarfélagsins eru í samræmi við framvindu verkefnisins og ganga vel. Seinkun er á að nýja ferjan fari í „sea trial“ en nú er gert ráð fyrir að af því verði innan næstu tveggja vikna.

2. Á þessum tíma er ekkert sem komið hefur upp sem gefur tilefni til að ætla að ferjan verði ekki tilbún til rekstrar á tilsettum tíma þ.e. 30. mars n.k.

3. Allur undirbúningur sem miðar að því að Vestmannaeyjaferjan Herjólfur ohf. verði í stakk búið til að taka við rekstri þann 30. mars n.k. gengur samkvæmt áætlun.

4. Er verið að ljúka ráðningum og ganga frá ráðningasamningum og gert er ráð fyrir að því verði öllu lokið fyrir miðjan mánuðinn. Hluti starfsmanna hafa verið sendir á tilheyrandi námskeið og í þjálfun bæði hérlendis og erlendis.

5. Vinna við heimasíðu og bókunarkerfi gengur samkvæmt áætlun.

6. Nú líður að því að smíði nýju ferjunnar ljúki í Póllandi og hún sigli heim, því þarf að huga að og skipuleggja móttöku vegna komu hennar til Eyja.

Íris Róbertsdóttir, bæjarstjóri gerði bæjarráði grein fyrir nýgerðum drögum að viðauka við þjónustusamning Vegagerðarinnar og Vestmannaeyjabæjar um framlengingu fyrri samnings og þurrlegu gamla Herjólfs, segir í bókun ráðsins.