Gríðarlegur áhugi er fyrir leik Hauka og ÍBV í Hafnarfirði í kvöld. Eyjamenn hyggjast fjölmenna á leikinn og sameinast þar brottfluttum og styðja við sitt lið. Í morgun var opnað fyrir forsölu miða í hópferð á vegum ÍBV-íþróttafélags í afgreiðslu Herjólfs. Strax var komin röð langt út á bryggju eins og sést á meðfylgjandi mynd sem Arnar Pétursson, þjálfari ÍBV setti inn á facebook síðu sína. Einhver fyrirtæki í Eyjum hafa gefið sínum starfsmönnum frí til að fara á leikinn og Framhaldsskólinn í Vestmannaeyjum hnikaði til prófum á morgun, föstudag. Til að hita upp fyrir kvöldið, setjum við inn myndbandið frá því í lok leiks í síðustu viðureign liðanna. �?ar var stemmning sem varla verður toppuð. Eða hvað?