Töluvert tjón varð á bifreið þegar hún hafnaði á járngirðingu við Kirkjuveg fyrr í dag. Bílnum var ekið vestur götuna þegar ökumaður missti stjórn með þeim afleiðingum að hann fór út af akbrautinni og endaði á girðingunni.

Að sögn Stefáns Jónssonar, yfirlögregluþjóns hjá Lögreglunni í Vestmannaeyjum, urðu engin slys á fólki, en bifreiðin er mikið skemmd og óökufær eftir áreksturinn. Verið var að vinna að því að fjarlægja bílinn af vettvangi og kanna tildrög óhappsins.

Járngirðingin sem bifreiðin hafnaði á er ætlað að hindra að gangandi vegfarendur gangi beint út á Kirkjuveg og þar með auka umferðaröryggi á svæðinu. Ekki liggja fyrir frekari upplýsingar um orsök óhappsins að svo stöddu.