Bókasafnið komið í jólabúning

Á Bókasafni Vestmannaeyja er nú komin mikil jólastemning í hús og safnið orðið fallega skreytt fyrir hátíðirnar. Á Bókasafninu geta fjölskyldur komið og sest niður með bók, litað eða bara slakað á í notalegu umhverfi.

Nú fyrir jólin eru ýmislegt skemmtilegt í gangi á Bókasafninu, hægt er að senda jólakveðjur til jólasveinanna með því að setja bréf í póstkassann sem þar er og nú geta fjölskyldur tekið myndir fyrir jólakortið í jólalega umhverfinu þar.

Hinn árlegi jólasveinaklúbbur er einnig farin af stað og eru börn hvött til að taka þátt í honum. Markmið klúbbsins er að hvetja og efla lestur barna yfir aðventuna og veita þeim umbun fyrir það. Þátttakendur í klúbbnum velja sér bók/bækur á bóksafninu og lesa að minnsta kosti 10 skipti að lágmarki 15 mínútur í senn. Allir fá lestrarhest við skráningu í klúbbinn sem fylltur er út og honum svo skilað inn á safnið 21. desember.

Í desember verður fjölbreytt og skemmtileg dagskrá fyrir alla fjölskylduna, þann 7. desember verður jólaföndur á bókasafninu, þann 14. verður jólabíó í Ingólfsstofu og svo laugardaginn 21. verður uppskeruhátíð jólasveinaklúbbsins þar sem börn fá glaðning fyrir lesturinn. Þá verður meðal annars happdrætti, sungin jólalög og dansað í kringum jólatréð.

Nýjustu fréttir

Fjölgun brota endurspegli aukið ofbeldi
Eyjakonur mæta Stjörnunni í bikarslag í kvöld
Heimir og Írar fara í umspil í Þjóðadeildinni
Átján framúrskarandi fyrirtæki í Eyjum
Bærinn semur við kaupmenn um jólagjafakort
Fjarvarmi í Eyjum hækkaði um 4,81% í nóvember
Herjólfur miðar við 2,5% hækkun um áramót
Já, nei, já
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.