Lögreglan hafði í nógu að snúast í vikunni sem leið og þá sérstaklega í kringum brunann sem varð í Lifrasamlagi Vestmannaeyja að morgni 15. október sl. Þá þurfti lögreglan, að vanda, að aðstoða borgarana við hin ýmsu atvik sem upp komu. Að morgni 15. október sl. var lögreglu tilkynnt um að reykur kæmi frá húsi Lifrasamlags Vestmannaeyja og var allt tiltækt slökkvilið kallað út. Tók það slökkviliðið um fjóra klukkutíma að ná tökum á eldinum, en enn eru glæður í einangrun og hefur reykur stigið upp frá húsinu undanfarna daga.