Íslenska karlalandsliðið í handbolta hefur lokið leik á EM í ár. Sitt sýnist hverjum um árangur liðsins en tölfræði liðsins segir þó sína sögu. Það vekur athygli að Eyjamaðurinn Elliði Snær Viðarsson kemst víða á blað.

Elliði var í 9. sæti yfir bestu varnarmenn mótsins út frá tölfræðiþáttum með þrjú varin skot skráð og fjóra stolna bolta. Næst efstur Íslendinga á eftir Elvar Erni Jónssyni. Elliði Snær er líka með flest refsistig á mótinu. Hann er alls með 24 slík en hann fékk eitt rautt spjald og átta sinnum fékk hann tveggja mínútna brottvísun sem var mest á mótinu. Vissulega var rauða spjaldið hans í lokaleiknum afar skrýtið en tölfræðin varðandi tveggja mínútna brottvísanir lýgur ekki.

Tveggja mínútna brottvísanir

1. Elliði – 8 – 1 rautt spjald – 24 refsistig
2. Robin Schoenaker – Holland – 8 (ekkert rautt spjald) – alls 19 refsistig
3. Alexandre Cavalcanti – Portúgal – 7 – alls 14 refsistig

Ljósmynd: Hafliði Breiðfjörð, handbolti.is