Elska jólin og hlakka alltaf til

Í aðdraganda jóla höfum við rætt við nokkra íbúa Vestmannaeyja um hvernig þeir undirbúa hátíðarnar. Við ræddum við Hafdísi Snorradóttur að þessu sinni og deildi hún með okkur sínum uppáhalds jólahefðum og minningum.

Fjölskylda? Ég er gift Friðriki Þór Steindórssyni og saman eigum við þrjú börn, þau Rebekku Rut, Sindra Þór og Rakel Rut. Tengdabörnin eru Matthías, Zofía og Gunnar Hrafn og svo er það barnabarnið okkar hann Nóel Þór sem er 1 árs.

Hvernig leggjast jólin í þig? Ég elska jólin og hlakka alltaf til þeirra og það er engin breyting á því í ár.

Fer mikill undirbúningur í jólin hjá þér? Ég skreyti frekar mikið og snemma, ég geng um húsið alla aðventuna og færi til hluti og breyti og laga. Svo er það baksturinn og að versla gjafir, við erum líka dugleg að fara á tónleika, jólahlaðborð og á ýmsa viðburði á aðventunni.

Ertu með jólahefð? Hefðirnar eru ekki margar og eru breytilegar ár frá ári. Við höfum verið með pakkaskipti og pakkaleiki, boðið í smørrebrød og svo er auðvitað spilað og púslað. Á aðfangadag erum við saman fjölskyldan ásamt mömmu og ömmu. Við förum í kirkjugarðinn með bræðrum mínum og fjölskyldum þeirra og kveikjum á kertum hjá látnum vinum og ættingjum. Maturinn er alltaf sá sami. Lúða í forrétt, í aðalrétt er hamborgarhryggur og kalkúnabringa og svo ananasfrómas í eftirrétt. Á jóladag er svo kaffiboð hjá Hafþóri bróður og Dagrúnu og svo hangikjöt hjá Óla bróður og Þórunni á jóladagskvöld. Áramótin eru haldin heima hjá okkur og þá erum við systkinin saman ásamt afkomendum og það er geggjað, og partý fram á nótt með vinum okkar og fjölskyldu. Alltaf jafn gaman.

Hvert er þitt uppáhalds jólalag? Mitt uppáhaldsjólalag er að sjálfsögðu ,,Ég hlakka svo til“ því ég er mjög spennt og hlakka alltaf svo til jólanna.

Hvað stendur upp úr á jólunum? Jólin eru tími fjölskyldunnar og það finnst mér það besta við jólin, og svo auðvitað að gefa gjafir og fá þær. Það verður frábært að fylgjast með Nóel Þór þó hann sé enn lítill og vitlaus. Ég vil óska öllum gleðilegra jóla og farsældar á nýju ári og munum að njóta en ekki þjóta.

Nýjustu fréttir

Myndband

Vetrarbúningur í Vestmannaeyjum

Fréttir

Geri aðrir betur

Myndband

Í snjó og blíðu

Fréttir

Búningaskiptimarkaður á bókasafninu

Íþróttir

Morgan Goði skrifar undir nýjan samning við ÍBV

Áhugavert

Opnunarhátíð Sea Life um helgina

Fréttir

Tilboð samþykkt í gatnagerð í Sólhlíð

Herjólfur

Siglt í Landeyjahöfn – uppfært

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki