Fótboltamótið Gothia Cup stendur nú yfir í Gautaborg þar sem Liseberg skemmtigarðurinn er. Alvarlegt slys varð í garðinum í dag þegar vagn í Regnbogatækinu féll til jarðar. Fjöldi íslenskra ungmenna tekur þátt í mótinu og voru mörg þeirra í Liseberg í dag en ekki er annað vitað en að Íslendingarnir séu heilir á húfi. Ólafur Týr Guðjónsson, fararstjóri ÍBV í ferðinni, sagði alla Vestmannaeyinga hafa verið komna heim á hótel þegar slysið varð um hálf sjö leytið að staðartíma.