Fulltrúar frá Laxey sóttu nýverið Seafood Expo North America sýninguna sem haldin var í Boston núna í mars.

Sýningin er ein sú stærsta sinnar tegundar og sameinar birgja og kaupendur úr öllum greinum sjávarútvegs, allt frá fiskeldi og vinnslu til dreifingar og sölu. Hún er því mikilvægur vettvangur fyrir fyrirtæki til að mynda tengsl, skiptast á hugmyndum og ræða framtíð greinarinnar.

Fulltrúar Laxeyjar buðu gestum og gangandi að koma við, kynna sér starfsemina og eiga samtal um tækifæri í sjávarútvegi.

Einnig var Vinnslustöðin með viðveru á sýningunni, en þátttaka íslenskra sjávarútvegsfyrirtækja undirstrikar mikilvægi þess að fylgja eftir tengslum og tækifærum á alþjóðlegum mörkuðum.

„Við erum afar þakklát fyrir þær góðu viðtökur sem við fengum, áhugann sem okkur sýndur var og samtalið við kollega úr greininni,“ kemur fram í tilkynningu frá Laxey.