Aðalfundur Eyverja félags ungra sjálfstæðismanna í Vestmannaeyjum fór fram í gær. Arnar Gauti Egilsson var endurkjörinn formaður stjórnar og með honum í stjórn sitja þau Anika Hera Hannesdóttir, Garðar B. Sigurjónsson, Guðný Rún Gísladóttir og Reynir Þór Egilsson. Auk þess sem kosin var ný stjórn sendi fundurinn frá sér eftirfarandi stjórnarályktun.

“Vestmannaeyjar eru raunhagkerfi. Pattstöðuna í kringum vatnsleiðsluna sem liggur til Vestmannaeyja sem skaddaðist í slysi í nóvember í fyrra ber að taka mjög alvarlega. Ef vatnsleiðslan fer áður en tekst að finna langtíma lausn getur það orðið mjög skaðlegt atvinnulífinu í Vestmannaeyjum sem skapar þjóðarbúinu töluverðar gjaldeyristekjur á ári hverju. Eyverjar skora á ríkisstjórn Íslands og þingmenn kjördæmisins að ganga inn í þá pattstöðu sem komin er upp í málinu og tryggja hér nýja vatnsleiðslu á milli lands og Eyja hið fyrsta, almenningi og þjóðarbúinu til heilla. Þrátt fyrir að margt jákvætt hafi verið gert varðandi málið séu það einungis plástrar á það heljarinnar sár og aðstæður sem við samfélagið í Vestmannaeyjium búum við.”