Fjögur sveitarfélög útnefnd Sveitarfélag ársins 2022

Eyjafréttir
·
Fréttir
·
11. nóvember 2022

Sveitarfélögin Grímsnes- og Grafningshreppur, Hrunamannahreppur, Flóahreppur og Bláskóga-byggð hafa verið útnefnd Sveitarfélög ársins 2022. Útnefningin er byggð á niðurstöðum viðhorfskönnunar félagsmanna tíu bæjarstarfsmannafélöga í störfum hjá sveitarfélögunum og var könnunn gerð í samtarfi við Gallup. Þetta er í fyrsta útnefning sveitarfélaga ársin en könnunin er hliðstæð öðrum slíkum sem gerðar hafa verið um árabil og standa að baki útnefningum á fyrirtæki ársins og stofnun ársins. Útnefning á sveitarfélagi ársins verður hér eftir árlegur viðburður.

Bæjarstarfsmannafélögin tíu sem að könnuninni stóðu í ár voru Starfsmannafélag Mosfellsbæjar, Starfsmannafélag Vestmannaeyja, Starfsmannafélag Garðabæjar, Starfsmannafélag Suðurnesja, Starfsmannafélag Kópavogs, Starfsmannafélag Hafnarfjarðar, Kjölur stéttarfélag starfsmanna í almannaþjónustu, FOSS stéttarfélag í almannaþjónustu, Starfsmannafélag Húsavíkur og Félag opinberra starfsmanna á Austurlandi. Megin tilgangur könnunarinnar er að hvetja stjórnendur sveitarfélaga til að veita starfsumhverfi meiri athygli og ráðast í umbótaverkefni þar sem þess er þörf. Einnig er ætlunin að niðurstöðurnar skapi almenna umræðu um starfsumhverfi og stjórnun á vinnustöðum, félagsfólki stéttarfélaganna til hagsbóta. Síðast en ekki síst er tilgangurinn að veita góðum vinnustöðum viðurkenningu fyrir að hlúa vel að starfsfólki.

Þeir níu þættir sem könnunin náði til voru stjórnun, starfsandi, launakjör, vinnuskilyrði, sveigjanleiki vinnu, sjálfstæði í starfi, ímynd stofnunar, ánægja og stolt og jafnfrétti. Fullnægjandi svarhlutfall náðist í 15 sveitarfélögum og var meðaleinkunn 3.982 stig. Hæsta einkunn fékk Grímsnes- og Grafningsheppur með 4.346 stig, þá Hrunamannahreppur með 4.336 stig, í þriðja sæti var Flóahreppur með 4.198 stig og Bláskógabyggð í fjórða sæti með 4.158 stig. Tvö af þessum fjórum sveitarfélögum, þ.e. Grímsnes- og Grafningshreppur og Flóahreppur, gerðust aðilar að könnuninni fyrir alla sína starfsmenn. Hæstu einkunn fékk Grímsnes- og Grafningshreppur fyrir ánægju og stolt starfsmanna, Hrunamannahreppur fékk hæsta einkunn fyrir stjórnun en Flóahreppur og Bláskógabyggð fengu hæstu einkunnir sínar fyrir jafnrétti.

Sem fyrr segir mun bæjarstarfsmannafélög og Gallup hér eftir gera viðhorfskönnun meðal starfsmanna sveitarfélaga árlega og mun sveitarfélögum bjóðast að taka þátt fyrir alla sína starfsmenn.

Nýjustu fréttir

Mannlíf

Perlað fyrir von og samstöðu í Höllinni í dag

Íþróttir

ÍBV sigraði Stjörnuna í Eyjum

Stjórnmál

Könnun sýnir breytt fylgi flokka í Eyjum

Fréttir

Ræddu kvartanir og þjónustu við fulltrúa Terra

Aðsend grein

Að breyta samfélagi

Fréttir

Valentínusardagurinn er í dag

Íþróttir

Mikilvægur heimaleikur hjá ÍBV

Myndband

Vetrarbúningur í Vestmannaeyjum

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki