Category: Fréttir

ÍBV komst ekki í úrslitakeppnina

Kvennalið ÍBV gerði í kvöld 1:1 jafntefli gegn Þrótti í sínum síðasta leik. Þórhildur Ólafsdóttir jafnaði metin eftir að Þróttarar höfðu komist yfir strax á 3. mínútu en leikurinn fór fram á Valbjarnavelli í Laugardal. Þar með er endanlega ljóst að ÍBV kemst ekki í úrslitakeppni 1. deildar og á þar með ekki möguleika á […]

Mesta tjón frá upphafi

Tjón í jarðskjálftunum á Suðurlandi í maí síðastliðnum er mesta eignatjón sem hefur orðið vegna jarðskjálfta hérlendis. Sálræn eftirköst eru ennfremur vanmetin að mati Ragnars Sigbjörnssonar hjá Jarðskjálftamiðstöðinni. Stór rannsókn er að fara í gang á sálrænum eftirköstum. (meira…)

Enn að berast tilkynningar vegna �?jóðhátíðar

Enn berast lögreglunni tilkynningar vegna Þjóðhátíðar en fjögur þjófnaðarmál voru tilkynntir til lögreglunnar í Vestmannaeyjum í vikunni og tengdust tveir þeirra Þjóðhátíð. Í öðru tilvikinu var farsíma stolið en fatnaði sem hékk til þerris á snúru í hinu tilvikinu. Annars var vikan róleg hjá lögreglunni í Vestmannaeyjum en lesa má dagbókarfærslu yfirvaldsins hér að neðan. […]

Styttist í ákvörðun um byggingu nýs Herjólfs

Vika er nú síðan tilboð voru opnuð í smíði á nýju Vestmannaeyja-ferjunni, sem sigla mun í Land-Eyjahöfn. Sem kunnugt er bárust tvö tilboð í smíðina, frá þýsku skipasmíðastöðinni Fassmer og norsku skipasmíðastöðinni Simek, þeirri hinni sömu og byggði núverandi Herjólf. (meira…)

�?tla að spá fyrir um sjóveiki

Siglingastofnun, Landspítali og Læknadeild Háskóla Íslands hafa í sumar staðið fyrir rannsókn á sjóveiki um borð í farþegaferjunni Herjólfi. Vonast er til að í framtíðinni verði hægt að gefa út sjóveikispá til að létta undir með þeim sem þjást af þessum vágesti. Hannes Petersen, yfirlæknir á háls-, nef- og eyrnadeild Landspítalans, er umsjónarmaður rannsóknarinnar. (meira…)

Jarðvegsframkvæmdir að hefjast vegna knattspyrnuhúss

Jarðvegsframkvæmdir vegna knattspyrnuhússins eru að hefjast en í dag var byrjað girða svæðið af. Áætlað er að verkinu verði lokið fyrir 20. september samkvæmt samningi við Vestmannaeyjabæ en það er Íslenska Gámafélagið sem vinnur verkið. Hafþór Snorrason, verkstjóri segir að farið verði hægt í sakirnar til að byrja með en áætlað sé að sprengja þurfi […]

Kaup lands samþykkt

Vegagerðin og Siglingastofnun virðast hafa náð samkomulagi við landeigendur á Bakka um kaup á landi undir Landeyjarhöfn og veg að henni fyrir um 20 milljónir króna. Samningaviðræður hafa staðið frá því í október í fyrra en gengið erfiðlega. (meira…)

Gæsaveiðitímabilið að hefjast

Veiðitímabil á grágæs og heiðargæs hefst miðvikudaginn 20. ágúst. Eftir sem áður verður blesgæs alfriðuð og í Skaftafellssýslum má ekki byrja að veiða helsingja fyrr en 25. september. Annarsstaðar á landinu er leyfilegt að veiða helsingja frá 1. september. (meira…)

Brúarhlaup Selfoss verður laugardaginn 6. september.

Allir hlauparar og hjólreiðamenn verða ræstir á Ölfusárbrú. Hjólreiðar hefjast kl. 11:00, hálfmaraþon kl. 11:30 og aðrar vegalengdir kl. 12:00. Hlaupnir verða 2,5 km, 5 km, 10 km og hálfmaraþon, allar vegalengdir eru með tímatöku. Einnig er keppt í 5 km og 10 km hjólreiðum. Keppni í 5 km hjólreiðum fer fram á malbiki en […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.