Fulltrúaráð Sjálfstæðisfélaganna í Eyjum hefur verið boðað til fundar sunnudaginn 29. mars nk. þar sem tillaga kjörnefndar um framboðslista Sjálfstæðisflokksins fyrir bæjarstjórnarkosningarnar 16. maí nk. verður lögð fram til samþykktar hjá fulltrúaráðinu.

Prófkjör var haldið 13. mars sl. þar sem 1178 kjósendur tóku þátt í að velja frambjóðendur í 8 efstu sæti listans. Kjörnefnd hafði síðan það hlutverk að vinna með þær niðurstöður sem komu úr prófkjörinu til að stilla upp lista og mun á fundinum leggja fram tillögu að fullskipuðum 18 manna framboðslista.

Í fulltrúaráði sjálfstæðisfélaganna, sitja hátt í 100 fulltrúaráðsmeðlimir sem kjörnir eru í ráðið á aðalfundum sjáfstæðisfélaganna. Þeir munu á fundinum  ræða tillögu kjörnefndar og samþykkja endanlegan framboðslista.

Fulltrúaráðsfundurinn á sunnudaginn markar upphaf kosningabaráttu Sjálfstæðisflokksins fyrir bæjarstjórnarkosningarnar í vor og eru fulltrúar í fulltrúaráðinu eru hvattir til að sýna samstöðu og fjölmenna á fundinn, segir í tilkynningu frá stjórn fulltrúaráðsins.