Á aðalfundi Skipstjóra- og stýrimannafélagsins Verðanda sem haldinn var þann 29. des. sl. var mótmælt harðlega tilræði Samgöngustofu til að leggja af losunar-og sjósetningarbúnað íslenskra skipa.

Samgöngustofa er að vinna að drögum að reglugerð þar sem til skoðunar er að alþjóðlegar kröfur um björgunarbúnað gildi, þannig að núverandi íslenskar sérkröfur verði valkostur útgerðar. �?að vita það allir sem vilja vita að það kostar pening að hafa alvöru björgunartæki um borð í skipum og viljum við benda Samgöngustofu á að kynna sér hversu mörgum mannslífum sleppibúnaðurinn hefur bjargað . Fundurinn hvetur Rannsóknarnefnd sjóslysa og Samgöngustofu til að meta hvaða sjósetningarbúnaður standist þær kröfur sem menn ætlast til og veiti ekki falskt öryggi. Við höfum séð alltof mörg dæmi um mismunandi tegundum af sjósetningarbúnaði á undanförnum árum sem hafa ekki virkað og sjómenn látist. �?að eru engar reglur um að losunar-og sjósetningarbúnaður skili gúmmíbáti upp á yfirborðið óháð dýpi eða hvort skipið sé á hvolfi. �?að er til búnaður sem er hannaður til að skila gúmmíbáti uppblásnum við hlið skips óháð dýpi, sama hvernig skip snýr. Fundurinn hvetur starfsfólk Samgöngustofu sem vinnur að öryggismálum að færa ekki öryggismál sjómanna 37 ár aftur í tímann og jafnframt að boða forystumenn sjómannasamtakanna og Rannsóknarnefndar sjóslysa til samstarfs við nýja reglugerð.

Bergur Kristinsson

formaður Ss- Verðandi