ÍBV sótti þrjú mikilvæg stig í leik gegn Keflavík á útivelli í dag og lokatölur 1:3. Markalaust var í fyrri hálfleik en Keflavík  tók forystu með marki á 66. mínútu. Það kveikti heldur betur í Eyjamönnum sem skoruðu þrjú mörk á átta mínútum.

Hermann Þór reið á vaðið á 70. mínútu, þá var komið að Sverri Páli sem skoraði á á 74. mínútu og síðasta orðið átti Oliver með marki á 78. mínútu.

ÍBV er í sjötta sæti deildarinnar með sex stig eftir fjórar umferðir. Næsti leikur er gegn Fram á útivelli, miðvikudaginn 3. maí.

ÍBV í leik gegn Breiðabliki sem Eyjamenn unnu.

Mynd Sigfús Gunnar