Bæjarráð Vestmannaeyja tók fyrir “Fyrirspurnir til Vestmannaeyjabæjar 2023” eins og það er orðað í fundargerð ráðsins.

Þar segir ennfremur að fjöldi formlegra fyrirspurna til Vestmannaeyjabæjar er varðar hin ýmsu mál sveitarfélagsins og félags í eigu þess hafi verið 348 á árinu 2023 og bárust þær frá einum einstaklingi. Sá tími sem fór í svara fyrirspurnunum jafngildir u.þ.b. hálfu stöðugildi starfsmanns allt árið, segir í bókun ráðsins.

Fátæklegar fundargerðir

Í þessu samhengi mætti benda bæjaryfirvöldum á að fundargerðir á vegum sveitarfélagsins eru á tíðum stuttar og snubbóttar. Er þetta þó misjafnt á milli ráða, en dæmi eru um nokkuð stór mál sem fá einvörðungu eina til tvær línur.

Má í þessu samhengi skoða til að mynda fundargerð frá framkvæmda- og hafnarráði frá því 25 október sl. sem leit svona út:

Ritstjóri Eyjar.net sendi í kjölfarið eftirfarandi póst á formann ráðsins:

„Þær eru svo fátæklegar fundagerðirnar frá framkvæmda- og hafnarráði að ég verð að bregða á það ráð að fá frekari upplýsingar frá þér.

Áttu nánari upplýsingar um mál 3 og 4?“

Svo mörg voru þau orð, og því ekki hægt að fjalla um málin opinberlega. Úr þessu má bæta og þá er hugsanlegt að fyrirspurnunum fækki!